1 SAMUEL 11:6 - AMÜSÜH HÜM CL Bible (BSI)

⁶ Küyimki Saulnü harü yubo sokhea, Thrünpuh me api kheak arü, tüsho api bukakhiukkhi alü kam.

1 SAMUEL 11:6 Iomraidhean Croise

ABEKHIT 32:19

Küyimki Mosa binkheampung thüninde arübah moshipung-nunu tüsho atsünkhi ngükhea, apinü müzüng jing kheak lungbeak mahne akhah chingnü jipa bahbah adütre kamde adanthünak.

WÜHKHE 12:3

Mosa ju alomiküp kheak larü alala kheaknü khide azhihayih mihtsürü lakheah.

MARK 3:5

Jumonü küyimki apinü arü mulong müküpkhinü mulong mütsüde arü kheak bukakhiukde mükamde akheahkhea, apinü mihtsürü ki ju tha, “Nü khah chungang.” Apinü chung, tüsho api khah ju püpü thrip nangde tsüabah.

EFISIA 4:26

Nü bukakhiukkhi ching neak düyihbeak; nü bukakhiukde ani düyüzahshih,

MAHKHAPRÜ 11:29

Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

MAHKHAPRÜ 13:25

Tüsho Zora le Eshtaol dükeak Mahane Dan ching A TUN GPU H menü api kheak thurumusupü tankih.

MAHKHAPRÜ 14:6

Atungpuh me api kheak tode arü, tüsho akhah ching tümü mülalashe mihnu nunu chakrüpkhi nangde apinü kekhüzü chakrüp. Tüshe apinü arhimokhi abuh le abe ki mütha.

MAHKHAPRÜ 15:14

Küyimki api Lehi ching arükheanü, Filistiarünü api azhihde ahode arü. Judüki Atungpuh me api kheak tode arü; tüsho abin kheak liubo ju monü atakkhi hing nangde kam, tüsho akhahbo chingnü arhükkhi atreakabah.

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.

MAHKHAPRÜ 6:34

Tüshe Atungpuh me Gideon kheak arü; apinü hulipungpung müt, tüsho Abiezerrü api ki mukhungde arü.

1 SAMUEL 10:10

Küyimki arü ju chingnü Gibeath lim yüde alakhea, wukihrü boto khülangnü api shoru; tüsho Thrünpuh me api kheak la, tüsho api she arü bolung müchitmudude kam.

1 SAMUEL 10:6

Jushu Atungpuh me nü kheak labah, tüsho nü she arü lung müchitmudude akambah tüsho mihtsürü püpü kambah.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 16:14

Kheakü Atungpuh me Saul kheaknü chamachih, tüsho A TUN GPU H kilimnü amünean me arübah api thsurang.