1 SAMUEL 11:15 - AMÜSÜH HÜM CL Bible (BSI)

¹⁵ Jumonü mihtsürü alala Gilgal ching yü tüsho Gilgal ching arünü Atungpuh miki Saul ju kiulongthsüpuh kamshih. Ju ching arünü Atungpuh kilim mungtsü kingaünkhi laksah-a kingaün, tüsho ju ching Saul le Israelrü alala tode asühachih.

1 SAMUEL 11:15 Iomraidhean Croise

2 SAMUEL 19:15

Jumonü kiulongthsüpuhnü Jordan ching alodarü; tüsho Judarünü kiulongthsüpuh shorupü tüsho api Jordan behopü Gilgal ching arü.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

JAKOB 4:16

Tüshe nüsanü kheakü kükheangde lülüshishichoh. Hadürü kükheangkhi alala amütsü ah.

1 SAMUEL 10:17

Samuelnü mihtsürübo Mizpa ching jimukhung

1 SAMUEL 10:24

Samuelnü mihtsürü alala ki tha, “Atungpuhnü amokhitkhi ha nüsanü ngüchonah? Api nangde mihtsürü alala bolung she müla.” Tüsho mihtsürü alalanü zhi, “ Kiulongthsüpuh kutsüpshang!”

1 SAMUEL 10:8

Tüsho nü I müngühnü Gilgal lim yükibah; jushu taka kingaünpü tüsho laksah-a mungtsü kingaünkhi jihpü I nü kilim akibah. I nü kilim arübah nünü arhimobebo muhuhyichoki nünü nimung thüne aleangang.”

1 SAMUEL 12:1

Samuelnü Israel alala ki tha, “Nüsanü I ki thakhi alala ching inü anijihdo, tüsho inü kiulongthsürü khülang nüsa kurungkheak zojihlah.

1 SAMUEL 12:17

Khihni ha wheat hi yimluchoh yung de? Inü Atungpuh ki jibah, junangde apinü tsüngmuk tüsho tsüng arüshihbah; tüsho nüsanü Atungpuh miki kiulongthsürü kheangde amütsü rhimokhi tolah de nüsanü angübah.”

1 SAMUEL 8:19

Tüshe mihtsürübonü Samuel yu anipü reanglo; arünü tha, “Yung! tüshe isa kurungkheak kiulongthsürü khülang zopü isanü mulongkhitdo,