1 SAMUEL 10:5 - AMÜSÜH HÜM CL Bible (BSI)

⁵ Ju dunglim nü Filistiarü binkheampung Gibeath-elohim ching arübah; ju ching, nü kiuto lim arüchoki, nünü wukihrü bokhüh bingkhung, züpzüppü, khungpi, tüsho bingshang khungde kingaün sadam limnü akikhi shorubah; arübonü müchitmudude aphaparabah.

1 SAMUEL 10:5 Iomraidhean Croise

1 KIULONG THSÜRÜ 18:29

Animuro hobah, arelim taka kingaünpü khiungde arünü mutuklode kolahkochide dapdapruru. Tüshe düsheak müla, tümü she malojih.

2 KIULONG THSÜRÜ 2:15

Küyimki Jirikho ching larü wukihrü bokhühnü api limshu chingnü angükhea, arünü tha, “Elija me Elisha kheak yükih-a lah.” Arünü api shorupü arü tüsho api miki alo kheak mükhüm.

2 KIULONG THSÜRÜ 2:3

Bethel ching lakhi wukihrü bokhüh Elisha kilim akhiuk tüsho api ki tha, “ Khihni Atungpuhnü nü putungpuh nü kheaknü bede atsobah de nünü mükheahnah?” Tüsho apinü alo, “Am, inü mükheahlah; dalan.”

2 KIULONG THSÜRÜ 2:5

Jirikho ching lakhi wukihrü bokhüh Elisha phünide arü, tüsho api ki tha, “ Khihni Atungpuhnü nü putungpuh nü kheaknü bede atsobah de nünü mükheahnah?” Tüsho apinü alo, “Am, inü mükheahlah, dalan.”

2 KIULONG THSÜRÜ 2:7

Ane Jordan ching zhipde alachoki, wukihrü 50 she yü tüsho ane kheaknü khü limshude zhip.

2 KIULONG THSÜRÜ 3:15

Tüshe I kilim khün thsürü bede arang.” Tüsho küyimki khün thsübuhnü kingde alakhea, Atungpuh wu api kheak arü.

2 KIULONG THSÜRÜ 4:38

Küyimki Elisha Gilgal lim alode yükhea, lomi ching khümzung lakheah. Wukihrü bokhüh api müngüh binde alachoki, apinü ayamlarü ki tha, “Phüh ato khülang dükihang, tüsho wukihrü bokhüh khilim awo kelamang.”

2 KIULONG THSÜRÜ 6:1

Kheakü wukihrü bokhühnü Elisha ki tha, “Nünü ngülah, isa nü lung lapung yam khide ninilah.

1 KIUTHSÜYUKHEAN 11:16

David a chipi ching lakheah, tüsho Filistia bonungrü Bethlehem ching lakheah.

1 KIUTHSÜYUKHEAN 13:8

David tüsho Israel alalanü arü sühmüh alalanü, khündung khünyubo, bingshangbo, züpzüppü, larüpbo tüsho hulipungpungbo khungde Thrünpuh miki tsün.

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

1 KIUTHSÜYUKHEAN 16:5

Akubuh ju Asaph, api khinbuh Zekaria, Jeiel, Shemiramoth, Jehiel, Mattithia, Eliab, Benaia, Obed-edom, tüsho Jeiel arünü bingshang tüsho bingkhungbo khung; Asaphnü larüpbo king;

MUNGSHIKHÜN 49:4

Inü müchitmudu lim I nükhün anguhbah; bingshang khungde inü jurü amütsanbo thanakbah.

MUNGSHIKHÜN 92:3

aliu thürü kihkhi bingkhung tüsho bingshang khungde.

1 KORINT 14:1

Amuzho müshamang, tüsho me thsambahbo, adungto thsüde müchitpü künang.

1 SAMUEL 10:10

Küyimki arü ju chingnü Gibeath lim yüde alakhea, wukihrü boto khülangnü api shoru; tüsho Thrünpuh me api kheak la, tüsho api she arü bolung müchitmudude kam.

1 SAMUEL 10:4

Arünü nü ki salüm jihbah tüsho yikhap mahne jihbah, ju nünü aleangkhibah.

1 SAMUEL 13:2

Israel bolung ching Saulnü 3000 mokhit; 2000 ju Mikmash tüsho Bethel awung lomi ching Saul lung lakheah, tüsho 1000 ju Benjamin lomi Gibea ching Jonathan lung lakheah; aningkhi mihtsürübo apinü nihbuh khimyambo ching thiyia yüshih.

1 SAMUEL 13:3

Jonathannü Geba ching Filistia thirithsürü binpung yanabah; tüsho Filistiarünü ju so. Tüsho Saulnü lomi alala ching hulipungpung mütde tha, “Ibrirübonü soang!”

1 SAMUEL 19:20

Judüki David rampü Saulnü yunithsürübo yüshih. Küyimki Samuelnü limberü thsübah wukihrübo müchitde arünü angükhea, Thrünpuh Me Saul yunithsürübo kheak arü, tüsho arü she müchitmudude kam.

1 SAMUEL 9:12

Arünü alo, “ Am, ju ching api nüsa müngüh lah. Niokheamang; api kheakü lang kiuto ching arüdo, tümütüsho khihni mihtsürübo kingaün sadam kheak laksah-a kingaünpü lah.