1 SAMUEL 10:27 - AMÜSÜH HÜM CL Bible (BSI)

²⁷ Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.

1 SAMUEL 10:27 Iomraidhean Croise

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 SAMUEL 8:2

Apinü kheaküshe Moabrü kuk tüsho arübo alo kheak yapshihbah liunü ake; apinü asheshihpü liu yung mahnenü ake, tüsho yung khülang akekhi ju rhangdung lashihpü thsü. Tüsho Moabrü ju David yamlarü kamabah tüsho api kilim ruk jih.

1 KIULONG THSÜRÜ 10:25

Mihbüm abannü thsambah, shotoyinchi kukrukbo, suna, khimmih, thsühnukbo, mungji aphuaphubo, khora, khoranunu, kam aban hihdakde lubah arü.

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

1 KIULONG THSÜRÜ 5:1

Küyimki arünü abuh müthri kiulongthsürü thsüpü Solomon mujude-mokhitkhi Tair kiulongthsüpuh Hiramnü asokhea, apinü ayamlarübo kilim yüshih; tümüde kamruhroro Hiram ju David müyambuh lakheah.

2 KIUTHSÜYUKHEAN 13:7

tüsho amüthülünkhi amütsü mihtsürübo khürü api mükamde mukhung tüsho Solomon tsührü Rehoboam müneah, Rehoboam ju athunu tüsho müdüngying tüsho arü muthsolokhukde alakheah.

2 KIUTHSÜYUKHEAN 17:5

Jumonü Atungpuhnü api khah ching kiulongthsü düküngde kamshih. Juda alalanü Jehoshaphat kilim thsambah hande arü, tüsho api lakhit ato tüsho akinashu lakheah.

MUNGSHIKHÜN 38:13

Tüshe I a, nükhünpeangrü mihtsürü nangde muso; I a mün mükhimshuhkhi aduhrü nangde lah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

T H S AN GYU T H S AN GR ARÜ 7:21

Mihtsürünü athakhi lüpdükhi dani, jude yungsho nü yamlarünü nü athrukhi nünü asobah;

ISAIA 36:21

Tüshe arünü malan tüsho api ki thiyu khülang she malo, tümüde kiulongthsüpuh yukhüm ju, “Api ki dalo” de alakheah.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

YUNIRÜBO RHIMO 7:35

“Ha buh Mosa, shepü arünü, ‘Shepünü nü isa kurungkheak yakzanshuhrü tüsho mahkhaprü kamshihkhea?’ de reanglode athabuh thsü Thrünpuhnü api ki sangrung ching yunirü akhiukbuh khah hode yakzanshuhrü tüsho abekhitrü chido kamde thiyi.

YUZÜNGTHALO 13:13

junangde isanü yüanü tüsho nüsanü mümükheahkhi püpürü thrünpuhbo tankihanü de thade athsümünim mihtsürü khürü nüsa bolungnü yübah kiutobo ching larü mihtsürübo bephülapa lasho,

1 SAMUEL 11:12

Mihtsürübonü Samuel ki tha, “Sherübonü Saul ju isa kiulongthsürü thsübe yung de thacho? Isa kilim jihang tüsho isanü arübo laksahbah.”

1 SAMUEL 11:13

Tüshe Saulnü tha, “ Ha nimung ching sheshe mülaksah, tümüde khihni Atungpuhnü Israel kilim abekhitkhi handarüdo.”

1 SAMUEL 16:20

Jessenü donki lubahle yikhap, shihküp qiuqiu tüsho mihnu nunubo hah thsükihbah David kheaknü mühah-a Saul kilim yüshih.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.

1 SAMUEL 25:17

Jumonü kheakü ha mükheahang tüsho nünü tümü rhimobeanü lümakheahang; tümüde isa putungpuh tüsho api yamkhün alala kheak amütsü rhimo lümkihabahdo; api ju shenü masukachihkhukpü thsüde mihbukmuyuk ah.”