1 SAMUEL 10:22 - AMÜSÜH HÜM CL Bible (BSI)

²² Jumonü kheaküshe arünü Atungpuh ki keokhi, “ Mihtsürü ha ching marüyi de?” Tüsho Atungpuhnü alo, “ Kheahang, api hah thsükhi bolung jiklah.”

1 SAMUEL 10:22 Iomraidhean Croise

THRÜNTAN 25:22

Khungarübo anihbe nuyam ching khangachih, tüsho alibenü tha, “Tümü thsükhi I kheak ha dünjicho?” Jumonü alibenü Atungpuh ki keokhipü yü.

2 SAMUEL 2:1

Ju dunglim Davidnü Atungpuh ki keokhi, “I Juda kiuto khürü ching wutuba shi?” Atungpuhnü api ki alo, “Wutuang.” Davidnü tha, “I küpü ching wutuba?” Apinü tha, “Hebron lim.”

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”

MAHKHAPRÜ 1:1

Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 20:28

tüsho judüki Aron tsührü, Eleazar tsührü Phinehasnü Atungpuh miki tankihde alakheah,) “ Kheaküshe isanü wutuba shi, dashi arün thsüba?” Atungpuhnü tha, “Wutuang; tümüde inü shido arübo nüsa khah ching jihbah.”

1 SAMUEL 10:21

Apinü Benjamin trük yamkhün phünide bebah arü tüsho Matri yamkhün mokhit; tüsho akheam ching Kish tsührü Saul mokhit. Tüshe küyimki arünü api yimkhea, api müngüde alakheah.

1 SAMUEL 14:37

Jumonü Saulnü Thrünpuh ki keokhi, “I Filistiarü dunglim yükiba shi? Nünü arübo Israel khah ching jihba shi?” Tüshe apinü ju nimung anihbuh ki malojih.

1 SAMUEL 15:17

Samuelnü tha, “Nü ju nü mük ching aninikhüh thsüa lalashe, nü Israel trükbo kurungkheak aku khülang yung de? Atungpuhnü nü Israel kurungkheak kiulongthsürü thsüshihpü mujude-mokhitkhi yung de?

1 SAMUEL 22:10

apinü David thsungkheak Atungpuh ki keokhi, tüsho apinü tsühyungpü tüsho Filistiarü Goliath nukshang api kilim jih.”

1 SAMUEL 23:9

Küyimki Saulnü api azhihde rük amütsü rhimokhi Davidnü amükheahkhea, apinü amükeambuh Abiathar ki tha, “ Ha ching amükeamrü khim lubah arang.”

1 SAMUEL 30:7

Davidnü Ahimelek tsührü amükeambuh Abiathar ki tha, “I kilim amükeamrü khim lubah arang.” Jumonü Abiatharnü amükeamrü khim David kilim lubah arü.

1 SAMUEL 30:8

Davidnü Atungpuh ki keokhi, “Inü thiriribo ha müshamanü de? Inü arü tholoba shi?” Apinü anihbuh ki tha, “Yande müshamang; tümüde tsükjide nünü atholobah tüsho aramrübo khümkhitbah.”

1 SAMUEL 9:21

Saulnü alo, “I Israel trük akheamkhibe Benjamin chingnü lang ah, tüsho I yamkhün ju Benjamin trük bolung ching akheamkhibe ah. Dale tümüde nünü I ki ha ruk thacho?”