1 SAMUEL 10:2 - AMÜSÜH HÜM CL Bible (BSI)

² Küyimki nü khihni I kheaknü chamachihbanü nünü mihtsürü mahne Benjamin lomi, Zelza ching Rachel kiuyuk miki shorubah; anenü nü ki thabah, ‘Nünü yimde ayükhi donkibo ngüdo, tüsho nü buhnü arü le nü thsungkheak mulong sansande: I tsührü thsungkheak I küde athsüba? de athakhi thsü tukloabahdo.’

1 SAMUEL 10:2 Iomraidhean Croise

THRÜNTAN 35:16

Judüki arünü Bethel chingnü hantsahmusu. Tüsho arübo Ephra khiungpü adükeak anükhüh lachoki Rachel khungarü zübepü khiung tüsho thsünü ato ching lakheah.

THRÜNTAN 48:7

Tümütüsho I Paddan chingnü arüchoki, Ephrath lim yüpü limro adükeak anükhüh lade, Kanan lomi ching Rachel I kinü sheabah; tüsho inü anihbe Ephrath (ju Bethlehem) lim yüpü limro kheak kiuyukabah.”

JEREMIA 31:15

Atungpuhnü ha thachoh: Rama ching düsheak khülang, atüzhokhi tüsho düsüknimde atripkhi sochoh. Rachelnü anihbe tsührü thsungkheak tripchoh; alibenü anihbe tsührübo thsungkheak shukheamkhi thsunglochoh, tümütüsho kheaküa arü müla.

JIHUSUA 18:28

Zela, Haeleph, Jebus (ju Jirusalem), Gibea, tüsho Kiriath-jearim: kiulongbo bebah kiuto 14. Ha Benjamin tsührübo yamrüplurüp ah.

1 SAMUEL 10:16

Saulnü akü ki tha, “Donkibo ngüdo de apinü ike ki thakheah.” Tüshe Samuelnü kiulongthsürü thsüpü dünkheak thakhi apinü tümü mütha.