1 SAMUEL 10:19 - AMÜSÜH HÜM CL Bible (BSI)

¹⁹ Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”

1 SAMUEL 10:19 Iomraidhean Croise

MÜCHITMUDU 16:33

Azan thsükhi ju pho kheak zochoh, tüshe ju khikzhakpü Thrünpuh kilimnü lah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

WÜHKHE 11:20

tüshe khinu khülang amuyung, nüsa mulongmüngüm arüde tüsho mumukhiukyi khiungde atsühbah, tümütüsho nüsa bolung lakhi Atungpuh nüsanü bahyukdo tüsho api ki tripde tha, ‘ Isa tümü thsüpü Ijip chingnü akhiukkheaki?’ ”

WÜHKHE 17:2

“ Israelrü ki nihbuh buhtsüh aban chingnü limberü abande tso thürükheak mahne lupü thaang. Mungbo nihbuh tso kheak thrütkihang.

YUZÜNGTHALO 17:14

“Küyimki nüsanü Atungpuh nüsa Thrünpuhnü ajihkhi lo ching arübah müküh-a labanü, tüsho isa mühirü trükshihbo nangde isa kurungkheak kiulongthsürü zobah de athabanü;

JIHUSUA 24:1

Jihusuanü Israel trük alala Shekem ching bemukhung, tüsho apinü azothsürübo, mahkhaprübo tüsho Israel atorübo ji tüsho arübo Atungpuh miki arü.

MAHKHAPRÜ 8:23

Gideonnü arü ki tha, “I tüsho I tsührünü nüsa kurungkheak yakzan mushuh; Atungpuhnü nüsa kurungkheak yakzan shuhbah.”

1 SAMUEL 10:20

Judüki Samuelnü Israel trük alala phünide bebah arü tüsho Benjamin trük mokhit.

1 SAMUEL 12:12

Tüshe küyimki Amon kiulongthsüpuh Nahashnü nüsa azhihde arükhi nüsanü angükhea, Atungpuh nüsa Thrünpuh nüsa kurungkheak kiulongthsüpuh lalashe nüsanü I ki tha, ‘Yung, tüshe kiulongthsürü khülangnü isa kurungkheak kiulongthsübah.’

1 SAMUEL 14:23

Jumonü ju nimung Atungpuhnü Israelrü kilim akuk ngüshih tüsho keochihkhi ju Beth-aven ching akhinde yü.

1 SAMUEL 14:38

Saulnü tha, “Nüsa mihtsürü limberübo, ha kheak arang; tüsho ha neak küde thsah khihni akhiukchonü isanü yimkhitanü.

1 SAMUEL 3:21

Mutuklode Atungpuh Shilo ching akhiuka huh, tüsho Atungpuh yu hode Samuel ki api akhiuka huh.

1 SAMUEL 4:1

Tüsho Samuelnü athakhi Israel alala kilim arü. Judüki Filistiarünü Israel bede keochihpü thsakhambah alakheah, tüsho Israelnü arü bede keochihpü tsahmusude yü; arü Ebenezer ching bin, tüsho Filistiarü Aphek ching bin.

1 SAMUEL 8:19

Tüshe mihtsürübonü Samuel yu anipü reanglo; arünü tha, “Yung! tüshe isa kurungkheak kiulongthsürü khülang zopü isanü mulongkhitdo,

1 SAMUEL 8:5

tüsho api ki tha, “Nü ashinbuhrü ah tüsho nü tsührübonü nü ru müyan; jumonü mührü trük nangde isa kurungkheak yakzan shuhshihpü kiulongthsürü khülang mokhitjang.”