1 SAMUEL 10:1 - AMÜSÜH HÜM CL Bible (BSI)

¹ Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 10:1 Iomraidhean Croise

2 SAMUEL 1:14

Davidnü api ki tha, “Atungpuh mihtsürü mujude-mokhitkhi laksahpü thsüde nü khah shuhkihpü nünü mütrekhea de?”

2 SAMUEL 19:39

Judüki mihtsürü alala Jordan ho, tüsho kiulongthsüpuh she ho; kiulongthsüpuhnü Barzillai kheak müthsüp tüsho api müngühjih, tüsho api nihbuh yam lim alode yü.

2 SAMUEL 20:19

I Israel ching mungtsü tüsho thiyuro amuzho lakhi bolung khülang ah; Israel ching lakhi berü kiuto thsümünimpü nünü yimchoh; tümüde nünü Atungpuh yamrüplurüp muyuba le?”

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

1 KIULONG THSÜRÜ 1:34

Ju ching amükeambuh Zadok tüsho wukihbuh Nathan anenü api Israel kurungkheak kiulongthsürü thsüpü mujude-mokhitshang; jushu hulipungpung khungang, tüsho thaang, ‘ Kiulongthsüpuh Solomon kutsüpde laang!’

1 KIULONG THSÜRÜ 19:18

Judüalalashe Baal ki mukhukningrü alala tüsho api kheak mümüthsüprü aban, inü Israel ching 7000 lashihbah.”

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

2 KIULONG THSÜRÜ 9:1

Judüki wukihbuh Elishanü wukihrü bolung khülang ji tüsho api ki tha, “Nü chim rüma lung; ha müdangke pung nü khah ching luang, tüsho Ramoth-gilead ching yüang.

2 KIULONG THSÜRÜ 9:12

Arünü tha, “Akeangyu ah! Isa ki thaang!” Jumonü apinü tha, “Apinü I ki thakhi ju ha: ‘Atungpuhnü ha thachoh, “Inü nü Israel kurungkheak kiulongthsürü thsüpü mujudemokhitchoh.’’’”

MUNGSHIKHÜN 135:4

Tümüde Atungpuhnü anihbuh thsungkheak Jakob, büthsükhi api rahpung thsüpü Israel mokhitdo.

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 78:71

namfimihnu neakde alakhi chingnü api mihtsürü Jakob, api yamrüplurüp Israel neakshihpü api bede arü.

ABEKHIT 30:23

“Atsüdak thüneathürabe harü luang: rhümthüneabe azhihzhih khahngak 6, aniung neakrüm-sungsung khahngak 3, thüre athüneabe khahngak 3,

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

EZEKIEL 16:13

Junangde nü suna tüsho shotoyinchinü züt thsüjih; nü khimbo ju atsüdak khimzhingzhing tüsho amo-achak anüpnüp khim tüsho yakthsükhi lakheah. Nü tsühyungbe ju atsüdak ayikangkang, mukhuke tüsho oliv müdangke lakheah. Nü khide akhamde kam tüsho kiulongthsüberü khülang thsüpü asürü.

HOSEA 13:2

Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

YUNIRÜBO RHIMO 13:21

Tüsho ju dunglim arünü kiulongthsürü khülang kheang; jumonü Thrünpuhnü Benjamin trük mihtsürü Kish tsührü Saul kam yirü khiungde yakzan shuhshih.

YUZÜNGTHALO 32:9

Tümüde Atungpuh lupü shihcham ju api mihtsürübo, Jakob ju apinü achamkhitkhi yamrüplurüp. @SP ACE=

1 TESALONIKA 5:26

Amüsüh mün müthsüpkhinü keoniorü alala ki salüm jihang.

IBRI 2:10

Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah.

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 13:14

tüshe kheakü nü kiulongthsü tukloabahbah; Atungpuhnü amulongkhi mihtsürü khülang yimkhitdo; tüsho Atungpuhnü amihtsürü kurungkheak yakzan shuhshihpü api mokhitdo, tümütüsho nünü Atungpuhnü thiyukhüm jihkhi mani.”

1 SAMUEL 15:1

Samuelnü Saul ki tha, “Atungpuhnü nü Israel mihtsürü kurungkheak kiulongthsürü thsüshihpü thsüde mujude-mokhitshihpü I arüshih; jumonü kheakü Atungpuh yu aniang.

1 SAMUEL 15:17

Samuelnü tha, “Nü ju nü mük ching aninikhüh thsüa lalashe, nü Israel trükbo kurungkheak aku khülang yung de? Atungpuhnü nü Israel kurungkheak kiulongthsürü thsüshihpü mujude-mokhitkhi yung de?

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”

1 SAMUEL 24:6

Apinü amihtsürübo ki tha, “Atungpuhnü mujude-mokhitkhi I tungpuh kheak I khah dünkihpü Atungpuhnü I kilim danlah; tümüde api Atungpuhnü mujude-mokhitkhi lah.”

1 SAMUEL 26:11

Atungpuhnü mujude-mokhitkhi kheak azhihde I khah chungpü Atungpuhnü danlolah; tüshe kheakü aku ki lakhi thsüh tüsho keluh luang, tüsho ike tsoanü.”

1 SAMUEL 26:9

Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”

1 SAMUEL 8:19

Tüshe mihtsürübonü Samuel yu anipü reanglo; arünü tha, “Yung! tüshe isa kurungkheak kiulongthsürü khülang zopü isanü mulongkhitdo,

1 SAMUEL 8:9

Jumonü kheakü, arü düsheak anijang; nünü lang arü ki düshihde dühdang, tüsho arü kurungkheak yakzan shuhpü lakhi kiulongthsüpuh limrobo arü ki huhang.”

1 SAMUEL 9:16

“Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”

1 SAMUEL 9:27

Ane kiuto akheam lim khiungde ayüchoki, Samuelnü Saul ki tha, “ Azübuh ki ike müngüh yüpü thaang, tüsho küyimki api yüabahbanü, nü ha kheak sühkhüh aleangang, junangde inü Thrünpuh yu nü ki mükheahshihbah.”