1 SAMUEL 1:28 - AMÜSÜH HÜM CL Bible (BSI)

²⁸ Jumonü inü api Atungpuh kilim arüngde jih; api rhangdung la khiungde, api Atungpuh kilim jihdo.” Tüsho arünü ju ching Atungpuh kingaün.

1 SAMUEL 1:28 Iomraidhean Croise

THRÜNTAN 24:26

Judüki mihtsürünü aku mükhüm tüsho Atungpuh kingaün.

THRÜNTAN 24:48

Inü I ku mükhüm tüsho Atungpuh kingaün, tüsho I putungrü tsührü thsungkheak aniurü tsührübe lupü I thiyuro limro ching bebuh Atungpuh I putungrü Abraham Thrünpuh shijih.

THRÜNTAN 24:52

Küyimki Abraham yamlabuhnü arü yubo sokhea, apinü alo lim mükhümde Atungpuh kingaün.

MÜCHITMUDU 31:2

“O I tsührü, I nuyam tsührü, O I thiyuchihchimkhi tsührü,

WÜHKHE 6:8

Api Nazirit thsü khiungde anihbuh Atungpuh kilim müsühkhitkhi labah.

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.

MAHKHAPRÜ 7:15

Küyimki Gideonnü milim kheankhi tüsho thanakkhi sokhea, apinü kingaün; tüsho apinü Israel binkheampung ching rholode yü, tüsho tha, “ Asürang; tümüde Atungpuhnü Midia bonungrü nüsa khah ching jihdo.”

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”

1 SAMUEL 1:22

Tüshe Hanna a muwutu, tümüde anihbenü aniubuh ki tha, “ Khungarü tsühyungmusu akede, inü api bede arübah, junangde api Atungpuh miki labah, tüsho ju kheak lünnü alabah.”

1 SAMUEL 2:11

Judüki Elkananü Rama ching thüyam lim yü, tüshe azübuh a amükeambuh Eli miki Atungpuh tankih.

1 SAMUEL 2:20

Judüki Elinü Elkana tüsho aniube müngühjihde tha, “ Alibenü Atungpuh kilim thsambah jihkhi dünkheak ha liberü hode nü kilim tsührü jihshang”; tüsho arübo thüyam lim alode arü.

1 SAMUEL 28:2

Davidnü Akish ki tha, “ Khide tsülah, nü yamlarünü tümü thsükhukbanü nünü amükheahbah.” Akishnü David ki tha, “ Khide tsülah, rhangdung amuyung thsungkheak nü I aheangrü kamshihbah.”