1 SAMUEL 1:23 - AMÜSÜH HÜM CL Bible (BSI)

²³ Ayamkhünbuh Elkananü api ki tha, “Nünü atsükhi thsang, api tsühyungpü mütsühyi khiungde aleangang; tüsho Atungpuhnü thiyuchihchimkhi dükde dünjishang.” Jumonü alibenü thüyam ching la tüsho atsührü mütsühyung khiungde niuh duhde mütrü.

1 SAMUEL 1:23 Iomraidhean Croise

2 SAMUEL 7:25

Tüsho kheakü, O Atungpuh T HRÜNPU H , nünü nü yamlarü tüsho api yamkhün dünkheak thakhi lün thsungkheak adüngakhi thsüang; nünü alokhikhi nangde thsüang.

1 KIULONG THSÜRÜ 3:21

Küyimki I tsührü niuh duhpü asürükhea, api ju shea inü ngü; tüshe küyimki yapsu inü api kheak düshihde akheahkhea, atsütsü ju inü azübekhi tsührü yungde alakheah.”

MUNGSHIKHÜN 22:9

Tüshe nünü I nuyam chingnü yihkhit; I be khüh kheak lachoki nünü I kinshih.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

WÜHKHE 30:12

Tüshe aniubuhnü jurü sobah yanlosho anihbenü amün chingnü thiyuchihchimkhi tüsho tangzüngachihkhibo mürhimo. Aniubuhnü jurü akeangkeang kamshihdo, tüsho Atungpuhnü anihbe neak bahjihbah.

MATHI 24:19

Tüshe jurü nimungbo ching mübünkeangde alarübo tüsho khungarü niuh duhde alarübo ayokhe!

LUKNÜ ATHRÜTKHI THIYUSHEAK-ATSÜ HUHTANYU 11:27

Tüsho apinü harü thade alachoki, boto ching aliberü khülangnü zhide api ki thaa, “Nü zübekhi tüsho nü niuh duhkhi liberü asühpü!”

1 SAMUEL 1:17

Tüsho Elinü alo, “ Mungtsü chingnü yüang; nünü api ki mushukhi Israel Thrünpuhnü alojihdo.”

1 SAMUEL 14:36

Tüsho Saulnü tha, “Isanü Filistiarü kilim azhing ching yükianü tüsho yapsu müyinkhi khiungde yananü; isanü arü khülang she maningshihnü.” Arünü tha, “Nü ki tümü atsüanü rhimoang.” Tüshe amükeambuhnü tha, “Isanü akhuhde Thrünpuh ki keokhianü.”

1 SAMUEL 14:40

Apinü Israel alala ki tha, “Nüsa thripkhüh thsübah tüsho I le I tsührü Jonathan püpü thrip thsübah.” Mihtsürübonü Saul ki tha, “Nü ki tümü atsüanü rhimoang.”