1 SAMUEL 1:19 - AMÜSÜH HÜM CL Bible (BSI)

¹⁹ Arünü mükikde asürü tüsho Atungpuh miki kingaün; tüsho arünü Rama ching arü yam lim alode yü. Elkananü aniube Hanna kheak nung tüsho Atungpuhnü atamkhüntamnü alojih.

1 SAMUEL 1:19 Iomraidhean Croise

THRÜNTAN 21:1

Apinü athakhi nangde Atungpuhnü Sara rhua kheah, tüsho apinü alokhikhi nangde Atungpuhnü Sara thsungkheak rhimo.

THRÜNTAN 30:22

Jushu Thrünpuhnü Rachel lümkhit, tüsho Thrünpuhnü anihbe ki anijihde nuyam khimshuhjih.

THRÜNTAN 4:1

Kheakü Adamnü aniube Eve keak nung tüsho alibe mübünkeangde kambah Kain zübejih, tüsho tha, “Inü mihtsürü khülang Atungpuh kilimnü ngüdo.”

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 KIULONG THSÜRÜ 4:17

Elishanü alibe ki thakhi nangde, ju akheahmünchi kim dükdü ching alibe mübünkeangde kam tüsho tsührü athrürü khülang zübe.

MUNGSHIKHÜN 119:147

Inü yapsu müyinkhiyide asürüchoh, tüsho arung thsungkheak zhichoh; inü nü yu ching mulonglamchoh.

MUNGSHIKHÜN 136:23

Isa aliuh-a lachoki isa lümkhitbuh, tümüde api amüthsüm lünnü rünkhiungde lah;

MUNGSHIKHÜN 25:7

I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

MUNGSHIKHÜN 5:3

O Atungpuh , yapsu nünü I düsheak sochoh; ani akhiukchoki inü tamkhüntamnüchoh tüsho nünü alojihpü aleangchoh.

MUNGSHIKHÜN 55:17

Arelim, yapsulim tüsho animuro inü tamkhüntamnübah, tüsho achangnü azhibah, tüsho apinü I düsheak sobah.

MARK 1:35

Yapsu khide mükikde, mitingde alachoki Jisunü asürübah thüyam chingnü chamachih tüsho azhikpung khülang ching yüzahbah tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 23:42

Judüki apinü Jisu ki tha, “Atungpuh, nü kiulongthsü ching nü arüchoki I lümkhitang.”

JIHUSUA 18:25

Gibeon, Rama, Beeroth,

1 SAMUEL 1:1

Kheakü Ephraim awung lomi ching Ramathaim-zophim mihtsürü khülang lakheah, api mung ju Elkana, api Jeroham tsührü Tohu tsührü tüsho Ephraimrü Zuph tsührü lakheah.

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”

1 SAMUEL 15:34

Judüki Samuel ju Rama ching yü; tüsho Saul a nihbuh yam lim Gibea ching yü.

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 19:18

Kheakü David shande tsokhi; apinü Samuel kilim Rama ching arü, tüsho anihbuh kheak Saulnü arhimokhi alala api ki thaa huh. Api tüsho Samuel ane yübah Naioth ching la.

1 SAMUEL 2:11

Judüki Elkananü Rama ching thüyam lim yü, tüshe azübuh a amükeambuh Eli miki Atungpuh tankih.

1 SAMUEL 25:1

Kheakü Samuel sheabah; tüsho Israel alala mukhungbah api mi trip. Arünü api Rama ching lakhi anihbuh yam ching kiuyukabah. Judüki Davidnü asürübah Paran sunglo lim yüki.

1 SAMUEL 7:17

Tüsho apinü Rama lim alode arü, tümüde ju ching api yam lakheah; apinü ju ching she Israel kheak mahkhap, tüsho Atungpuh kilim kingaün sadam thsü.

1 SAMUEL 8:4

Judüki Israel azothsürü alala mukhung tüsho Rama ching Samuel kilim arü,

1 SAMUEL 9:26

Tüsho ayinkhichoki Samuelnü thüyam kumung lim Saul ki ji, “ Asürang, junangde inü nü limro ching yüshihbah.” Saulnü asürü, tüsho api le Samuel ane chido wungdo ching wukhiuk.