1 SAMUEL 1:11 - AMÜSÜH HÜM CL Bible (BSI)

¹¹ Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”

1 SAMUEL 1:11 Iomraidhean Croise

THRÜNTAN 28:20

Judüki Jakobnü thiyuchihchim khülang thsü, “Thrünpuh I lung lasho, tüsho I yüchoki ha limro ching I aheangsho, tüsho I kilim atsühpü yikhap tüsho aphuyupü khimmih jihsho,

THRÜNTAN 29:32

Jumonü Lea mübünkeangde kambah tsührü khülang zübe, tüsho anihbenü api mung Reuben de ji; tümüde alibenü tha, “Atungpuhnü tsükjide I küpkhuk ngüdo. Jumonü kheakü I niubuhnü I muzhobah.”

THRÜNTAN 30:22

Jushu Thrünpuhnü Rachel lümkhit, tüsho Thrünpuhnü anihbe ki anijihde nuyam khimshuhjih.

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 SAMUEL 16:12

Khükia Atungpuhnü I lümthsünü ngüjihbah, tüsho khihni ha athrukhi thsungkheak Atungpuhnü I kilim atsü jihlobah.”

MUNGSHIKHÜN 25:18

I thsünükhi tüsho küpkhuk lümakheahjang, tüsho I neakbo alala bahjang.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

MÜCHITMUDU 31:2

“O I tsührü, I nuyam tsührü, O I thiyuchihchimkhi tsührü,

T H S AN GYU T H S AN GR ARÜ 5:4

Küyimki nünü Thrünpuh ki thiyuchihchim khülang thsübanü, ju akuk ngüde arhimopü dashu; tümüde makhakhibo ching api asühpü müla. Nünü tümü thiyuchihchima lanü rhimoang.

LEVI 27:2

Israel mihtsürübo ki thaang: Küyimki khürünü thiyuchihchimde Atungpuh kilim mihtsürü müsühkhitchoki amo dünde akhuarabanü,

WÜHKHE 21:2

Tüsho Israelrünü thiyuchihchimde Atungpuh ki tha, “Nünü harü mihtsürü isa khah ching jihsho, isanü arü kiutobo shahde thsümünimjihbah.”

WÜHKHE 6:11

Tüsho amükeambuhnü khülang neak kingaün jihbah tüsho püpü ju taka kingaünbah, tüsho api thsungkheak dünthsükhibah tümütüsho apinü ashemi qiukhinü neak yihbeak, tüsho apinü ju nimungnü akuyü müsühkhitbah.

WÜHKHE 6:5

Api Nazirit thiyuchihchim bukkhüp lakhi khiungde ku kheak kuyüliuh müyihkih; api Atungpuh kilim müsühkhitkhi nimung mübankhityikia, api amüsüh labah, tüsho apinü kuyü le münnam shangshihbah.

WÜHKHE 6:8

Api Nazirit thsü khiungde anihbuh Atungpuh kilim müsühkhitkhi labah.

MAHKHAPRÜ 11:30

Jephthanü Atungpuh ki thiyuchihchim thsü tüsho tha, “Nünü Amon mihtsürü I khah ching jihsho,

MAHKHAPRÜ 13:5

Tümütüsho kheahang, nü büm makeangde akambah tüsho tsührü khülang labah. Tüsho aku kheak kuyüliuh müyihkih, tümüde khungarü ju buk chingnü Thrünpuh kilim Nazirit khülang thsübah; tüsho apinü Israel ju Filistiarü khah chingnü bekhitpü tankihbah.”

1 SAMUEL 1:10

Alibenü sükde lümthsünü tüsho Atungpuh ki tamkhüntamnü, tüsho düsüknimde trip.

1 SAMUEL 1:12

Alibenü mutuklode Atungpuh ki tamkhüntamnüchoki, Elinü anihbe mün kheahyuk.

1 SAMUEL 1:19

Arünü mükikde asürü tüsho Atungpuh miki kingaün; tüsho arünü Rama ching arü yam lim alode yü. Elkananü aniube Hanna kheak nung tüsho Atungpuhnü atamkhüntamnü alojih.

1 SAMUEL 1:22

Tüshe Hanna a muwutu, tümüde anihbenü aniubuh ki tha, “ Khungarü tsühyungmusu akede, inü api bede arübah, junangde api Atungpuh miki labah, tüsho ju kheak lünnü alabah.”

1 SAMUEL 1:27

Ha azürü thsungkheak inü tamkhüntamnükheah; tüsho inü Atungpuh ki kheangkhi apinü I ki jih.

1 SAMUEL 1:28

Jumonü inü api Atungpuh kilim arüngde jih; api rhangdung la khiungde, api Atungpuh kilim jihdo.” Tüsho arünü ju ching Atungpuh kingaün.

1 SAMUEL 2:20

Judüki Elinü Elkana tüsho aniube müngühjihde tha, “ Alibenü Atungpuh kilim thsambah jihkhi dünkheak ha liberü hode nü kilim tsührü jihshang”; tüsho arübo thüyam lim alode arü.