1 SAMUEL 1:10 - AMÜSÜH HÜM CL Bible (BSI)

¹⁰ Alibenü sükde lümthsünü tüsho Atungpuh ki tamkhüntamnü, tüsho düsüknimde trip.

1 SAMUEL 1:10 Iomraidhean Croise

THRÜNTAN 30:1

Küyimki Rachelnü Jakob kilim tsührü müzübejihkheanü anihbenü achi lungkhangde kam, tüsho Jakob ki tha, “I kilim tsührübo zübeshang, jude yungsho I ashebah!”

THRÜNTAN 50:10

Küyimki arübo Jordan hobah Atad rhimopung ching arükhea, arünü khide tode mulong rozhakde tüzho. Josepnü nimung thüne abuh tüzho.

2 SAMUEL 13:36

Apinü athakham akede kiulongthsüpuh tsührübo arünü khiung, tüsho arü düsheak shuhkihde trip; tüsho kiulongthsüpuh le ayamlarübo alalanü khide düsüknimde trip.

2 SAMUEL 17:8

Hushainü thalo, “Nü buh tüsho api mihtsürübo thirithsürübo ah de nünü mükheahlah, tüsho arübo thulu ching kuto anunubo jangkhikhi nangde bukmüke ah. Ju lang yung, nü buh ju thirithsüpü ching athsüso; apinü azhing ching bonungrü lung mülachoh.

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

JOB HU H T ANYU 10:1

Inü I rhangdung thraneanlah; inü I zuzu thsüde I bahyukkhi thabah; inü I me khühde athabah.

JOB HU H T ANYU 7:11

Jumonü inü I mün müdanlo;inü I me bukakhiukkhi chingnü athabah; inü I me khühkhi chingnü atsangbah.

JOB HU H T ANYU 9:18

apinü I sheak müthsüshih tüshe I akhühnü mishihchoh.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MÜCHITMUDU 14:10

Mulong abannü nihbuh akhüh mükheahlah, tüsho shenü she asühkhi müchamachihkhuk.

ISAIA 38:15

Tüshe inü tümü thakhea? Tümüde apinü I ki asukdo, tüsho apinü ha rhimokheah. I me khühkhi hode I ayapnepü alala tsoabahdo.

ISAIA 54:6

Tümüde Atungpuhnü nü abahyukkhi tüsho me ching tüzhokhi liberü nangde jikheah, athunu mihtsürü niuberü bahyukkhi nangde, nü Thrünpuhnü thachoh.

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 22:10

Shepü shea lanü api thsungkheak dütrip, yungsho api thsungkheak dütüzho; tüshe shepü tsoabahchonü api thsungkheak tripang, tümüde anihbuh asürü-lomi kheahpü api malodarü.

TÜZHOKHI 3:15

Apinü I akhühnü mishih tüsho akhühkenü müshangshih.

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

MAHKHAPRÜ 21:2

Judüki mihtsürübonü Thrünpuh yam ching yü tüsho arelim khiungde Thrünpuh miki ju ching la. Arünü arü düsheak achangnü düsüknimde trip,

RUTH 1:20

“I ki Naomi de düji,” anihbenü alo, “ Mara de jiang, tümüde Wuto Thrünpuhnü I kheak khide khühde rhimodo.

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”

1 SAMUEL 1:9

Shilo ching arü tsühyungabahshu, Hannanü Atungpuh miki asürü zhip. Kheakü amükeambuh Eli Atungpuh arüngyam khimdopü dungjing miki binkiu kheak bina lakheah.