1 PETER 5:12 - AMÜSÜH HÜM CL Bible (BSI)

¹² Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.

1 PETER 5:12 Iomraidhean Croise

JOHAN 21:21

Peternü api ngübah Jisu ki tha, “Tüshe Atungpuh, ha mihtsürü küde?”

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

ROMRÜ KILIM PAULNÜ ATHRÜTKHI KIHÜM HUHTANYU 5:2

Akin hode apinü kheakü isa zhipde alakhi amüthsüm ching isa bedarü. Tüsho Thrünpuh müretah mulonglam ching isa asühachihchoh.

1 KORINT 15:1

Keoniorübo, kheakü inü nüsa ki thsangyuthsangrabah leangkhi tüsho ju kheak nüsa akin düküngde azhipkhi thiyusheak-atsü lümkhitshihnelah.

2 KORINT 1:19

Thrünpuh tsührü, Jisu Khrista dünkheak nüsa ki thsangyuthsangrarü Silvana le Timothi tüsho I a “Am” tüsho “Yung” de mülakheah; tüshe api lung kamruhroro “Am” de lah.

2 KORINT 1:24

Nüsa akin kurungkheak isanü thiyuzüng mahori, tüshe nüsa asühpü thsüde rukhüh rhimorübo ah; tümüde akin hode nüsa düküngde zhiplah.

EFISIA 3:3

ju inü akhihkhüh thrütkhi amikheak akhiukkhi I kilim huhkhi aramyu lah.

EFISIA 6:21

Kheakü I küde la tüsho I tümü rhimochonü nüsanü amükheahpü thsüde, amuzho keoniorü tüsho Atungpuh tankihkhi ching thiyuro lakhi Takikanü lüpdükhi nüsa ki thabah.

KOLOSI 1:7

nüsa thsung thsüde thiyuro lakhi Khrista tankihrü isanü amuzhokhi yamlarü Epaphra kheaknü nüsanü asokhi nangde,

KOLOSI 4:7

I rhimo alala dünkheak Tykikanü nüsa ki thabah; api ju amuzhokhi keoniorü, thiyuro tankihrü tüsho Atungpuh lung rukhüh tankihrü ah.

KOLOSI 4:9

Tüsho api lung thiyuro lakhi tüsho amuzhokhi keoniorü, nüsa borü Onesima arüchoh. Ha ching dünjikhi lüpdükhi anenü nüsa ki thabah.

1 TESALONIKA 1:1

Paul, Sela, tüsho Timothi kilimnü, Abuh Thrünpuh tüsho Atungpuh Jisu Khrista ching Tesalonika borü kilim: Nüsa kilim amüthsüm tüsho mungtsü laang.

2 TESALONIKA 1:1

Paul, Sila, tüsho Timothi kilimnü, Isa Abuh Thrünpuh tüsho Atungpuh Jisu Khrista ching Tesalonika borü kilim:

IBRI 13:22

Keoniorübo, inü tuthsukde athakhi yu arümde anipü nüsa ki mushuchoh, tümüde inü nüsa kilim akhihkhühnü thrütdo.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 4:10

Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah.

2 PETER 1:12

Jumonü nüsanü mükheahbah kheakü thiyuro ching düküngde laa lalashe inü kamruhroro harü nüsa ki lümkhitshihpü lümde lachoh.

2 PETER 2:15

Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando,

3 JOHAN 1:12

Demetria a mihbüm abannü, tüsho thiyuronü thiyumütsan lah; inü she api thiyumütsan jihchoh, tüsho I yumütsan thiyuro ah de nünü mükheahlah.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.