1 PETER 5:1 - AMÜSÜH HÜM CL Bible (BSI)

¹ I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

1 PETER 5:1 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 24:48

Tüsho harü dünkheak nüsa thiyumütsanbo lah.

YUNIRÜBO RHIMO 1:22

Johannü baptikhi chingnü tankihbah isa bolungnü api bede ayükih khiungde, harü bolung khülang api arhang kamlokhi thiyumütsan thsürü kambeah.”

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 11:30

tüsho junangde arünü Barnaba le Saul büne kheaknü azothsürübo kilim ju mühah-a yüshih.

YUNIRÜBO RHIMO 14:23

Tüsho küyimki arünü borü aban ching azothsürübo tamkhüntamnüde tüsho khümkeak thsüde amokhitkhea, arünü kinde alakhi Atungpuh kilim arübo shuhmülanga jih.

YUNIRÜBO RHIMO 15:4

Küyimki ane Jirusalem ching arükhea, borü tüsho amüsühthsangyurü le azothsürübonü ane leangkhi, tüsho Thrünpuhnü arü kheak rhimokhi alala thaa huh.

YUNIRÜBO RHIMO 15:6

Amüsüh-thsangyurübo tüsho azothsürübonü ju lümakheahpü rukhüh mukhung.

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 20:17

Tüsho apinü Mileta chingnü Efisia ching yüshihbah api kilim borü azothsürübo jide arüshih.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 21:18

Ju shidopü Paulnü isa lung Jakob kilim arü; tüsho azothsürü alala lakheah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

2 KORINT 5:1

Kheakü isa lakhi alomi khimyam thsümünimsho, mihtsürü khahnü müthsükhi yinmi ching lün yam Thrünpuh kilimnü lah de isanü mükheahlah.

2 KORINT 5:8

Isa mulong tode lah, tüsho isanü pang kheaknü chamkhibah Atungpuh lung thüyam ching lapü mulonglah.

FILIPI 1:19

Tümüde nüsa tamkhüntamnü tüsho Jisu khrista Me arung hode I adükhebah de inü mükheahlah,

1 TIMOTHI 5:1

Azobuhrü mihtsürü düthürüh, tüshe buhrü nangde nünü api ki tuthsukang; akheamrü mihtsürübo ki niurübo nangde,

1 TIMOTHI 5:19

Mahne yungsho mahsamnü thiyumütsan thsüde hande arükhi yungsho azothsürü azhihde amülim jihkhi düleangkhi.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

TITA 1:5

Ha dünkheaknü inü nü ki Krete ching lashihkheah, junangde dükde mülakhi nünü thsülangbah, tüsho inü nü ki khuhlangahuhkhi nangde kiuto aban ching limberübo mokhitbah.

PHILEMON 1:9

amuzho chingnü inü nü ki mushuchoh. I Paul, Jisu Khrista limburü tüsho kheakü aramrü–

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

1 PETER 4:13

Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah,

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

2 JOHAN 1:1

Azothsürü kilimnü, I tüsho thiyuro mükheahrü alala thiyuro ching muzhokhi amokhitkhi liberü tüsho anihbe tsührübo kilim–

3 JOHAN 1:1

Azothsürü kilimnü, Thiyuro ching inü amuzhokhi müyambuh Gaius kilim.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.