1 PETER 4:7 - AMÜSÜH HÜM CL Bible (BSI)

⁷ Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 4:7 Iomraidhean Croise

THRÜNTAN 19:35

Jumonü anenü ju re she ane abuh yukhu duh, tüsho akheambe yübah api lung yap, tüsho alibe küyimki yapkhea tüsho küyimki wusukheanü apinü mümükheah.

THRÜNTAN 6:13

Thrünpuhnü Noa ki tha, “Mihtsürü alala kheampü I miki arüdo, tümüde alomi ju arü hode athsümünimnü mia lah; tüsho kheahang, inü arübo alomi chingnü adükheakshihbah.

T H S AN GYU T H S AN GR ARÜ 7:2

Aniojikhi yam ching yükhi kheaknü mitrip yam ching yükhi atsübe; tümüde ha mihbüm aban thsungkheak akheam lah, tüsho arhang larünü ju mulong ching zobah.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

EZEKIEL 7:6

Akheam arüdo! Akheam arüdo! Hanü nü azhihde aküdahnü wusudo. Ha arüdo!

MATHI 24:42

Jumonü kurhangde lang, tümütüsho nüsa Atungpuh arüpü kim nüsanü mümükheah.

MATHI 25:13

Jumonü kurhangang, tümüde Mihtsürü Tsührü arüpü nimung yungsho kim nüsanü mümükheah.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

LUKNÜ ATHRÜTKHI THIYUSHEAK-ATSÜ HUHTANYU 22:46

Judüki apinü arü ki tha, “Tümüde nüsanü yapcho? Asürang tüsho tamkhüntamnüang, jude yungsho nüsa rükaki ching yüzahbah.”

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

1 KORINT 15:24

Judüki apinü yakzanshuhrü, thiyukhüm-sühmüh tüsho wu alala dükheakshih dunglim Abuh Thrünpuh kilim kiulongthsü jihabahchoki akheam arübah.

1 KORINT 7:29

Keoniorübo, ju amütsan akhukhi kim khide khihabahdo; kheakünü rünbah sherü niuberü lanü arünü mülakhi nangde,

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

FILIPI 4:5

Nüsa arümkheamachihkhi alalanü mükheahshang. Atungpuh thüninde lah.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.

TITA 2:12

akin mülakhi tüsho alomi yihnelune bahyukpü tüsho adanyukpü alungki, tüsho ha lomi ching akinrü thsüde alapü,

IBRI 10:25

khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 9:26

dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 3:7

Niubuhrübo, junangde nüsa niuberü lung anikhitkhinü laang, tüsho reangmüzahkhi nüsa atrurü tüsho nüsa lung shoto rhangdung thsambah yamrüplurüp lurü nangde arü ki akin jiang, junangde nüsa tamkhüntamnü tümünü she müzhipdo.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)