1 PETER 4:3 - AMÜSÜH HÜM CL Bible (BSI)

³ Tümüde nüsanü ahokhi ching amükinrünü arhimopü mokhitkhi rhimopü kim suhdahde bahdo–mümüsühkhi ching lapü, shihkünkhi, müshangmuru, yüliyüra, kushimkhi tüsho athraneanbe sangthsübo.

1 PETER 4:3 Iomraidhean Croise

2 SAMUEL 13:28

Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

1 KIULONG THSÜRÜ 21:26

Atungpuhnü Israel müngüh yanabahkhi Amorrü nangde apinü sangthsübo dunglim yüde khide athraneanbe rhimodo.)

2 KIUTHSÜYUKHEAN 15:8

Küyimki Asanü harü yubo, Oded tsührü Azarianü müchitkhi sokhea, apinü mulong tode kam, tüsho Juda le Benjamin lomi tüsho apinü Ephraim wungbo chingnü ayankhikhi kiutobo alala chingnü athraneanbe sangthsübo yihkhita bah. Apinü Atungpuh yam mükü müngüh lakhi Atungpuh kingaün sadam thsülo.

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 5:11

Nüsa sherü amüshangbe müshamde yapsu mükikde asürücho, shepü yukhunü amüshangpü thsüde are khiungde lachonü are.

ISAIA 65:4

shepü kiuyukbo lung bincho, tüsho azhing ching kiuyukbo ching lacho; shepünü kheaknu shih tsühcho, tüsho arü phühbo ching athraneanbe kelam la;

JEREMIA 16:11

Judüki nünü arü ki thabah: ha tümütüsho nüsa jipürünü I bahyuk, Atungpuhnü thachoh, tüsho püpürü thrünpuhbo dunglim yübah tankih tüsho kingaün, tüsho I bahyuk tüsho I yakzan muzo;

JEREMIA 16:18

Tüsho inü arü mülimkhi tüsho arü neak alü thsüde ajihlobah, tümütüsho arünü athraneanbe sangthsükhi ashemibonü I lomi müneanjihdo, tüsho athraneanbebonü I yamrüplurüp mishihdo.

EZEKIEL 44:6

Kheakü azhihrü Israel yamkhün ki thaang, Atungpuh Thrünpuhnü ha thachoh: O Israel yamkhün, nüsa athraneanbe rhimokhi akheam thsüang!

EZEKIEL 45:9

Atungpuh Thrünpuhnü ha thachoh: Suhdo, O Israel kiulongthsürübo! Athsümünim tüsho junokhi bahyukang, tüsho tümü thiyuro tüsho alungkianü rhimoang. Nüsanü I mihtsürü yankhitkhi arün thsang, Atungpuh Thrünpuhnü thachoh.

MARK 7:22

ahühpü, yihnelune, mihbukmuyuk, akeangyu, yakli-amütsü, mükjomükra, lülüshishi, makhakhi akhiukshihchoh.

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

1 KORINT 12:2

Küyimki nüsa amükinrü lakheanü limro alala ching aduh sangthsübo kilim bephülapkheah de nüsanü mükheahlah.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

GALATIA 5:19

Kheakü shih rhimo mütsande lah: müzammüram, mümüsühkhi, yüliyürakhi,

GALATIA 5:21

lungkhangkhi, müshangmuru, amakham adanasün, tüsho judürü püpübo. Shepünü hadürü rhimochonü Thrünpuh kiulongthsü yamrüplurüp mulu de püpüki nangde inü nüsa ki thachoh.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

1 TESALONIKA 4:5

Thrünpuh mümükheahrü amükinrü nangde shihkünkhi ching yung;

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

1 PETER 1:14

Mihyuanikhi tsührübo a le, nüsanü akhuhlim shihkünkhi kheak mulong düjih,

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.