1 PETER 4:17 - AMÜSÜH HÜM CL Bible (BSI)

¹⁷ Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?

1 PETER 4:17 Iomraidhean Croise

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

JEREMIA 25:29

Kheahang, I mung tamde ajikhi kiuto kheak inü thsümütsü handarüpü tankihchoh, tüsho küde thsah nüsanü thsümüchi tsokhikhukpü? Nüsa müthsümüchidüa müyü, tümüde lomi ching larü alala azhihde inü nukshang jihchoh, Wuto Atungpuhnü thachoh.

JEREMIA 49:12

Tümüde Atungpuhnü ha thachoh: khürü pung yungpü müthülünlün she, judü lang ayungbah, nü a müthsümüchide atsoba de? Nü müthsümüchide müyü; nünü ju ayungpü tsütsü.

EZEKIEL 9:6

Ashinbuhrü mihtsürü, athrününgtsüng tüsho anünürü, azoberü tüsho azürü laksahang, tüshe amütsan kihrü sheshe düqiu. I arüngyam kinü tankihang.” Jumonü arünü arüngyam miki larü azothsürü kheaknü tankih.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 23:31

Sangdung phüyakde alachoki harü rhimosho, ju akung lachoki tümü dünjiba?”

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

ROMRÜ KILIM PAULNÜ ATHRÜTKHI KIHÜM HUHTANYU 2:9

Amütsü rhimorü mihtsürü aban akhuhde Jihudarü tüsho Greekrü thsungkheak thsümütsü tüsho lümthsünü labah;

GALATIA 3:1

O makhakhi Galatiarü! Nüsa mük ki Jisu Khrista yümkihkhi mütsande ngübahle shenü nüsa bephülapkhea?

GALATIA 5:7

Nüsa tsüde rhimode alakheah; shepünü nüsa thiyuro anipü chingnü tukloshihkhea?

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

IBRI 2:2

Tümüde yunirübonü akhipkhitkhi yusheak ju thiyuro tüsho athsümünim le mihyumanikhi aban thsümüchi leangkhikheasho,

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.