1 PETER 4:14 - AMÜSÜH HÜM CL Bible (BSI)

¹⁴ Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.

1 PETER 4:14 Iomraidhean Croise

1 KIULONG THSÜRÜ 10:8

Nü niuberübo asühpü! Nü yamlarübo mutuklode nü ki arürübo tüsho nü lümlung sorü asühpü!

2 KIULONG THSÜRÜ 2:15

Küyimki Jirikho ching larü wukihrü bokhühnü api limshu chingnü angükhea, arünü tha, “Elija me Elisha kheak yükih-a lah.” Arünü api shorupü arü tüsho api miki alo kheak mükhüm.

MUNGSHIKHÜN 146:5

Shepü nihbuh arung Jakob Thrünpuh kheak lanü asühpü, shepü mulonglam Atungpuh api Thrünpuh la,

MUNGSHIKHÜN 49:9

jude thsükhülaa api kiuyuk ching müyüzahde lünnü alabah.

MUNGSHIKHÜN 89:51

Nü riribonü nünü mujude-mokhitkhi kiulongthsüpuh mükhemükimchoh, O Atungpuh ; arünü api yüpung alala ching mükhemükimdo.

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

MATHI 5:11

“I dünkheaknü arünü nüsa mükhemükimde thsümüchichoki tüsho arükchihnü nüsa azhihde amütsü alala thachoki nüsa asühpü.

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

LUKNÜ ATHRÜTKHI THIYUSHEAK-ATSÜ HUHTANYU 6:22

“Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

JOHAN 15:21

Tüshe harü alala I mung dünkheaknü arünü nüsa ki rhimochoh, tümütüsho arünü I thiyibuh mümükheah.

JOHAN 8:48

Judüki Jihudarünü alo tüsho api ki tha, “Nü Samariarü ah tüsho nü amünean me lah de isanü lungkide mütha de?”

JOHAN 9:28

Judüki arünü api ki mükhemükimde tha, “Nü api jingyanrü ah tüshe isa a Mosa jingyanrübo ah.

JOHAN 9:34

Arünü api ki tha, “Nü a neak chingnü zübemusukheah, tüsho nünü isa thsangyucho de?” Tüsho arünü api yankhitabah.

YUNIRÜBO RHIMO 13:45

Tüshe küyimki Jihudarünü boto ngükhea, arünü mükthsüde kam tüsho Paulnü athakhi reanglode api azhih.

YUNIRÜBO RHIMO 18:6

Tüsho küyimki arünü api azhihde aluhkhea, apinü akhim chingnü asungthulung dütrüna bahde arü ki tha, “ Nüsa thiyih nüsa kubo kheak lashang! Inü a tümü mümükheah. Kheakü I khiungkerü kilim yübah.”

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

2 KORINT 4:10

isa pang ching Jisu rhangdung ngüshihpü kamruhroro pang ching Jisu shekhi hanlah.

2 KORINT 4:16

Jumonü isanü mulong müninichoh. Aleanglim isa keaksah-a lalashe, alunglim a nimung aban isa aso kamlochoh.

GALATIA 1:24

Tüsho I dünkheaknü arünü Thrünpuh müretah.

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

JAKOB 5:11

Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 PETER 3:14

Tüshe thiyuro-lungki thsülimnü nü thsünüa lalashe, nü müngühmühibah, sheshe dütre tüsho mulong düsansan.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

1 PETER 4:16

tüshe khürü Khristan thsümo thsünüsho, apinü dachih, tüshe ju mung ching apinü Thrünpuh müretahshang.

2 PETER 2:2

Ahihdonü arü makhamaleak limrobo yanbah, tüsho arü hode thiyuro ju amütsü kamshihbah.