1 PETER 3:15 - AMÜSÜH HÜM CL Bible (BSI)

¹⁵ Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang;

1 PETER 3:15 Iomraidhean Croise

MUNGSHIKHÜN 119:46

Inü nü yukhümbo kiulongthsüpuh miki thabah, tüsho achih müngüde alabah.

MÜCHITMUDU 15:28

Thiyuro-lungkirü mulongnü küde alobeanü lümakheahchoh, tüshe mihbukmuyuk münnü amütsü thakhitchoh.

MÜCHITMUDU 22:21

nü ki alungki tüsho thiyuro huhpü; junangde nü thiyirü ki nünü thiyuro alobah?

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 29:23

Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 41:21

Nüsa lümkhi lubah arang, Atungpuhnü thachoh; nüsa mütsanyubo lubah arang, Jakob kiulongthsüpuhnü thachoh.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 8:12

Ha mihtsürünü aramyu thakhi ching dübe, tüsho arünü atrekhi ching dütre.

WÜHKHE 20:12

Tüshe Atungpuhnü Mosa tüsho Aron ki tha, “ Tümütüsho nükenü Israelrü mük ki I amüsüh de akin jihde muhuh, jumonü nükenü harü boto inü arü kilim jihpü alokhikhi lomi ching bebah müyü.”

WÜHKHE 27:14

Tümüde Zin sunglo kebo ching botonü azhihde wusuchoki, nüke chidonü arü mük ki I yukhüm amüsüh de ahuhpü I yu mani.” (Meriba ju Zin sunglo ching Kadesh Kenü ah.)

YUNIRÜBO RHIMO 21:39

Tüshe Paulnü tha, “I a Kilikia ching lakhi Tarsa ching zübekhi, adungto kiuto mihkhung khülang ah. Muzhobah inü mihtsürübo ki thashang.”

YUNIRÜBO RHIMO 24:25

Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.”

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 1:5

thiyuro thiyusheak-atsü yu ching nüsanü akhuhlim sokhi yinmi ching nüsa thsungkheak zojihkhi mulonglam dünkheaknü,

KOLOSI 4:6

Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

IBRI 6:1

Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü;

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

1 PETER 3:2

tümütüsho nüsa yakli küdükhüh atsangkhit a tüsho wüntrebe lanü arünü angübah.

1 PETER 3:4

tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang.

1 SAMUEL 12:7

Jumonü kheakü nüsa küching lanü zhipang, junangde Atungpuh miki nüsa mahkhapbah, tüsho Atungpuhnü nüsa le nüsa jipürü thsungkheak akhümkhit rhimokhi inü nüsa ki thabah.