1 PETER 2:9 - AMÜSÜH HÜM CL Bible (BSI)

⁹ Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 PETER 2:9 Iomraidhean Croise

MUNGSHIKHÜN 106:5

junangde nünü amokhitkhi alü thsükhi inü angübah, junangde nü trükshih asühkhi ching inü asühachihbah, junangde nü yamrüplurüp lung inü müretahbah.

MUNGSHIKHÜN 118:27

Thrünpuh ju Atungpuh ah, tüsho apinü isa kilim ayin jih; laksah-a kingaünkhibo ju liubonü kingaün sadam juhbo kheak rhükkihang.

MUNGSHIKHÜN 135:4

Tümüde Atungpuhnü anihbuh thsungkheak Jakob, büthsükhi api rahpung thsüpü Israel mokhitdo.

MUNGSHIKHÜN 22:30

Arübe lünbonü api tankihbah; mihtsürübonü arübe lün ki Atungpuh dünkheak thabah.

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

MUNGSHIKHÜN 73:15

Inü, “Inü ha asukbah,” de thakhülaa, inü nü mihtsürübo lün ki thiyuro mülaa labah.

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 44:1

Tüshe kheakü aniang, O I yamlarü Jakob, inü mokhitkhi Israel!

ISAIA 61:6

Tüshe nüsa Atungpuh amükeamrübo de ajibah, isa Thrünpuh tankihrübo de nüsa jibah; nüsanü trükshih lakhitbo tsühbah tüsho arü lakhitbo ching nü müretahbah.

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

ISAIA 66:21

Tüsho inü arübo khürü amükeamrü tüsho Levirü nangde alubah, Atungpuhnü thachoh.

ISAIA 9:2

Amiting ching tsahrü mihtsürünü ayin ato khülang ngüdo; amiting lomi ching larü kheak ayin tahkihdo.

MALAKI 3:17

Arü I yo thsübah, Wuto Atungpuhnü thachoh, inü arhimopü nimung tsüde akhukhi I yamalo thsübah, tüsho bebuhrünü arü khinkih thsürü arü tsührübo müthsümkhi nangde inü arü müthsümbah.

MATHI 4:16

amiting ching larü mihtsürübonü ayin ato khülang ngü; ashe alamme lomi ching larü kheak ayin akhiuk.”

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

LUKNÜ ATHRÜTKHI THIYUSHEAK-ATSÜ HUHTANYU 1:79

amiting ching larü yinshihpü tüsho ashe alamme ching larü kheak yinshihpü, isa jingdükü mungtsü limro ching bepü lah.”

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 26:28

Tüsho Agrippanü Paul ki tha, “Nahde nünü I Khristan kamshihpü lümcho de?”

ROMRÜ KILIM PAULNÜ ATHRÜTKHI KIHÜM HUHTANYU 9:24

Tümüde isa ju Jihudarü chingnü lang yungde khiungkerü chingnü she apinü ajikhi mihtsürübo ah.

1 KORINT 3:17

Khürünü Thrünpuh arüngyam thsümünimsho, Thrünpuhnü api thsümünimbah. Tümüde Thrünpuh arüngyam amüsüh, tüsho ju arüngyam nüsa ah.

EFISIA 1:14

Me ju api müretah shijihpü isanü lakhit-kukruk muluyi khiungde isa yamrüplurüp ngüpü thiyuchihchim lah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

EFISIA 3:21

borü ching tüsho isa Khrista ching lünbo alala kilim lünnü lün api müretahshang. Amen.

YUZÜNGTHALO 10:15

Tüshe khihni lakhi nangde Atungpuhnü nüsa jipürü kheak mulong keamde muzho tüsho apinü arü tsührü-tsührübo, nüsabo trükshih alala kurungkheak mokhit.

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

YUZÜNGTHALO 18:2

Jumonü keoniorü lung arü yamrüplurüp müla; apinü arü ki thakhi nangde Atungpuh ju arü yamrüplurüp thsübah.

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

YUZÜNGTHALO 7:6

Tümüde nüsa Atungpuh Thrünpuh kilim amüsüh mihtsürü lah; Atungpuh nüsa Thrünpuhnü nüsa api mihtsürü thsüpü alomi ching mihtsürü alala kurungkheak atsüdakbe lakhit thsüde nüsa mokhit.

FILIPI 3:14

Jumonü inü Jisu Khrista hode Thrünpuhnü ajikhi akulim thsambah ngüpü langakindo münchi lim alihchoh.

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.

AMIKHEAKAKHIUKKHI 20:6

Shepü akhuhbe arhang kamlokhi ching shihcham luchonü müngühmühi tüsho amüsüh! Arü kurungkheak mahnekipü shepü wu müla, tüshe arübo Thrünpuh tüsho Khrista amükeamrübo labah, tüsho arünü api lung kam chithürü kiulongthsübah.

AMIKHEAKAKHIUKKHI 5:10

tüsho isa Thrünpuh kilim arübo kiulongthsü tüsho amükeamrübo kamshih, tüsho arünü alomi kheak kiulongthsübah.”

1 SAMUEL 12:22

Tümüde api mung ato dünkheaknü Atungpuhnü amihtsürübo mübahyuk, tümütüsho nüsabo api mihtsürü thsüpü Atungpuhnü asühdo.