1 PETER 2:6 - AMÜSÜH HÜM CL Bible (BSI)

⁶ Tümüde amüsühyu ching ha thachoh, “Kheahang, amokhitkhi tüsho shoto lung khülang inü Zion ching zochoh, tüsho shepü api kheak kinbanü achih müngü.”

1 PETER 2:6 Iomraidhean Croise

THRÜNTAN 49:24

Tüshe Jakob Thrünpuh Wuto wu, namfimihnu neakrü, Israel kümdorü hode api sanglüh tsüde la, tüsho api khah düküngde kamshih,

MUNGSHIKHÜN 40:14

I rhangdung lupü yimrü alala achih ngüshang, tüsho yingyingde kamshang; I thsümünimpü künrü mungchih ngüde rholoshang.

MUNGSHIKHÜN 89:19

Judüki nünü nü yo amüsüh khülang ki michih ching asuk, tüsho tha: “Inü wuto kilim arung jihdo; inü mihtsürü bolungnü mokhitkhi shuhkihdo.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 41:11

Am, nü azhihde bukakhiukrü alala achih ngübah tüsho akinashu mülade akambah; sherünü nü azhihpü mürangchonü tümü mülade akambah tüsho adükheakbah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 50:7

Atungpuh Thrünpuhnü I rungchoh; jumonü I achih müngü; jumonü inü molaklung nangde I miro kheah, tüsho I achih müngü de inü mükheah;

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

DANIEL 10:21

tüshe akhuhde Thiyuro Hüm ching tümü thrüta lanü inü nü ki thabah: Maikel kheak hode I rungrü she müla.

ZEKARIA 10:4

Arü bolung chingnü amühit-lung arübah, arü bolungnü khimyam ashungdung labah, arü bolungnü keochih sanglüh labah, arü bolungnü limthorü labah.

MATHI 12:18

“Ha ching inü amokhitkhi I yamlarü, inü amuzhokhi tüsho inü asühkhi lah; inü api kheak I me lashihbah, tüsho apinü trükshihbo ki thiyuro zhiyukbah.

MARK 12:10

Nüsanü amüsühyu ha mükhe de: ‘Thüyam thsürübonü abahyukkhi lung ju adungtobe amühit-lung kamdo.

LUKNÜ ATHRÜTKHI THIYUSHEAK-ATSÜ HUHTANYU 20:17

Apinü arü kheak kheahbah tha, “Dale tüsho ha thrüta lakhi ju tümü a: ‘Thüyam-thsürübonü abahyukkhi lung ju amühit-lung adungtobe kamdo’?

LUKNÜ ATHRÜTKHI THIYUSHEAK-ATSÜ HUHTANYU 23:35

Tüsho mihtsürübonü kheahde zhip. Tüshe yakzanshuhrübonü she luhmünede tha, “Apinü mührü khümkhitdo; api Thrünpuhnü amokhitkhi Khrista a sho aküdah thsüde khümkhitshang.”

JOHAN 7:38

Shepünü I kheak kinbanü amüsühyunü athakhi nangde api mulong chingnü rhangdung ke ayungbo bukbah.”

YUNIRÜBO RHIMO 1:16

tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

ROMRÜ KILIM PAULNÜ ATHRÜTKHI KIHÜM HUHTANYU 10:11

Amüsühyunü thachoh, “Api kheak kinrü sheshe achih müngüshih.”

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.

EFISIA 2:20

amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi,

2 TIMOTHI 3:16

Amüsühyu alala Thrünpuhnü mütyukjihkhi tüsho thsangyupü, athürühpü, thsülangpü tüsho thiyuro-lungki ching zükhitpü thsungkheak yihnüpü lah,

1 PETER 2:4

Mihtsürünü abahyukkhi tüshe Thrünpuhnü amokhitkhi tüsho api ki shoto lakhi arhang lung kilim arang;

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.

2 PETER 1:20

Akhuhde nüsanü anikhitpü lakhi ju, amüsühyu müchitkhi ha shenü she nihbuh küdah thsüde athanakkhi müla,

2 PETER 3:16

Apinü hadürü thade api yo kihüm alala ching rukhüh thrütchoh. Api kihümbo ching, mümükheahrü tüsho dükde mülakhi mihtsürünü arü nihbuh thsümünimpü püpü amüsühyu ki rhimokhi nangde, arükchihnü athanakkhi anikhitpü khürü a chakde lah.