1 PETER 2:23 - AMÜSÜH HÜM CL Bible (BSI)

²³ Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

1 PETER 2:23 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 31:5

Nü khah ching I me jihchoh; nünü I rhokhit, O Atungpuh , thiyuro Thrünpuh.

MUNGSHIKHÜN 37:5

Atungpuh kilim nü limro jihang; api kheak kinang, tüsho apinü arhimobah.

MUNGSHIKHÜN 7:11

Thrünpuh ju thiyuro mahkhaprü ah, tüsho Thrünpuhnü mihbukmuyuk kheak animokhün bukakhiukchoh.

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

ISAIA 53:7

Api ajunokheah, tüsho api thsümüchido tütüshe apinü amün mükhimshuh; namfimihnunu alaksahpü bede ayükhi nangde, tüsho namfimihnunu khülang anam rhiprü miki zhikde alakhi nangde, apinü amün mükhimshuh.

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 23:46

Jisunü düsheak achangnü zhide tha, “Abuh, nü khah ching I me zojihchoh.” Tüsho ha thabah api sheak kheamabah.

LUKNÜ ATHRÜTKHI THIYUSHEAK-ATSÜ HUHTANYU 23:9

Judüki apinü anihbuh ki thiyu ahihdo keokhi, tüshe api ki tümü malojih.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

YUNIRÜBO RHIMO 4:29

Atungpuh, arünü amüzünkhi kheakü mükheahjang tüsho nü yamlarübonü khide mulong tode nü yubo thakhukshang.

YUNIRÜBO RHIMO 7:59

Arünü Stephen rude alachoki, apinü tamkhüntamnü, “Atungpuh Jisu, I me leangkhiang.”

YUNIRÜBO RHIMO 9:1

Tüshe Saulnü judü lang Atungpuh jingyanrübo thsümüchide laksahde alakheah. Apinü achangbe amükeambuh ki yü

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

EFISIA 6:9

Aputungrübo, junangde nüsa yamlarübo ki rhimoang. Arü dümüzün, tümütüsho shepü arü le nü Putungrü chidoanü yinmi ching lah, tüsho api kheak jakkheahkhi müla.

2 TESALONIKA 1:5

Ha Thrünpuh thiyuro-lungki yukhapkhi thiyumütsan ah, junangde küpü thsungkheak nüsa thsünüde lanü, nüsa ju Thrünpuh kiulongthsü thülünde akambah.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

IBRI 12:3

Aneak mihtsürünü api azhihde mukthsükhi apinü arümkheamkhi lümakheahang, junangde nüsa müyiuhyiuh tüsho mulong müdükheak.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

1 PETER 4:19

Jumonü sherü Thrünpuh lümkhi yande thsünüchonü thiyuro Athrünrü kilim arü shuhmülanga jihang tüsho mutuklode atsü rhimobeah.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.