1 PETER 2:22 - AMÜSÜH HÜM CL Bible (BSI)

²² Apinü neak müyihbeak; amünnü akeangyu mütha.

1 PETER 2:22 Iomraidhean Croise

MUNGSHIKHÜN 34:13

Amütsü asukpü tüsho akeangyu thapü chingnü nü mulo tüsho nü mün tukloang.

ISAIA 53:9

Apinü thiyih mubuka lalashe tüsho amün ching akeangyu mülalashe, Arünü api mibahpung ju mihbukmuyuk lung thsü tüsho api kiuyuk alarü lung thsü.

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 23:47

Kheakü küyimki bonungrü torünü ju dünjikhi ngükhea, apinü Thrünpuh shijihde tha, “Atsütsü ha thiyuro-lungki mihtsürü thsüa lah!”

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

JOHAN 8:46

Nüsa shepünü neak dünkheak I ki mütsanmükhi jihkhukba? Tüsho inü thiyuro thasho, tümüde nüsanü I mükin le?

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

1 JOHAN 3:5

Neakbo lude atsopü api amikheak akhiukdo de nüsanü mükheahlah; tüsho api kheak neak tümü müla.

AMIKHEAKAKHIUKKHI 14:5

tüsho arü mün ching akeangyu müngü, tümüde arü jakreak mükih.