1 PETER 2:17 - AMÜSÜH HÜM CL Bible (BSI)

¹⁷ Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.

1 PETER 2:17 Iomraidhean Croise

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

ABEKHIT 20:12

“Nü buh tüsho nü be wüntreang, junangde Atungpuh nü Thrünpuhnü nü kilim jihkhi lo ching nü kutsüp ashang labah.

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 23:17

Nü mulongnü aneakrü mükdüthsü, tüshe kamruhroro Atungpuh trepü künsahde laang.

MÜCHITMUDU 24:21

I tsah-a, Atungpuh tüsho kiulongthsüpuh wüntreang azhihrü lung datruachih,

T H S AN GYU T H S AN GR ARÜ 8:2

Thrünpuh ki thiyuchihchimkhi hode kiulongthsüpuh yukhüm rhimoang.

LEVI 19:32

Nünü ku buyukrü miki wusuang tüsho ashinbuhrü ki akin jihang, tüsho nü Thrünpuh treang: I Atungpuh ah.

ZEKARIA 11:14

Jushu inü mahnepü Arihako tso ju Juda tüsho Israel keonione dükeak arihakokhi thsümünimde yihshak.

MATHI 22:21

Arünü alo, “Kaesar ah.” Tüsho apinü arü ki tha, “Jumonü küju Kaesar yoanü Kaesar kilim jihang, tüsho küju Thrünpuh yoanü Thrünpuh kilim jihang.”

JOHAN 13:35

Nüsa khülangnü khülang muzhoachihsho, ha hode nüsa I jingyanrübo ah de alalanü amükheahbah.”

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

ROMRÜ KILIM PAULNÜ ATHRÜTKHI KIHÜM HUHTANYU 13:7

Ajihpü larü alala ki jihang, rukbo jihpü larü ki jihang, ashakpü larü ki shakang, akin tüsho wüntre jihpü larü ki jihang.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

EFISIA 5:21

Khrista ki wüntre jihkhi hode khülangnü khülang bukkhüp laang.

FILIPI 2:3

Yihnelune yungsho shilode tümü she düthsü, tüshe azhihayih chingnü nü kheaknü püpürü atsübe khejang.

1 TIMOTHI 6:1

Sherü yamlarü thsülanü arü putungrü ki wüntre alala jihpü thülünlah de alümbeah, junangde Thrünpuh mung tüsho thsangyukhi mungchih müla.

IBRI 13:1

Keoniorübo khülangnü khülang muzhoachihde laang.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 2:13

Atungpuh thsülimnü nüsanü mihtsürü thiyukhüm-sühmüh aban bukkhüp laang: thiyukhüm-sühmüh atobe kiulongthsürü,

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

1 SAMUEL 15:30

Judüki Saulnü tha, “Inü neak yihbeakdo; judüalalashe kheakü I mihtsürü azothsürü tüsho Israel miki I wüntre jihang, tüsho I kilim rholoang, junangde inü Atungpuh nü Thrünpuh kingaünbah.”