1 PETER 2:12 - AMÜSÜH HÜM CL Bible (BSI)

¹² Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 PETER 2:12 Iomraidhean Croise

MUNGSHIKHÜN 37:14

Mihbukmuyuknü zhochihrü le mülamüthsürü tüsho alungki rhimorü laksahpü nukshangbo dukkhit tüsho sanglühbo hünkihdo.

MUNGSHIKHÜN 50:23

shepünü makshe-jihkhi kingaün shuhmülanga hande arüchonü I wüntrechoh; alungki limro ching yürü ki inü Thrünpuh akhümkhit huhbah.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

DANIEL 6:4

Jumonü kiuthsürü tüsho kovünorbonü kiulongthsü dünkheak Daniel azhihde atsangpü jing-thrümpung yimkhitpü mürang. Tüshe arünü atsangpü thsungkheak jingthrümpung yungsho athsümünim tümü müyimkhit, tümütüsho api thülünde alakheah, tüsho sheakmadukkhi yungsho athsümünim tümü api kheak müyimkhitkhukde alakheah.

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 5:11

“I dünkheaknü arünü nüsa mükhemükimde thsümüchichoki tüsho arükchihnü nüsa azhihde amütsü alala thachoki nüsa asühpü.

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

LUKNÜ ATHRÜTKHI THIYUSHEAK-ATSÜ HUHTANYU 19:44

tüsho nü lung nü tsührübo alo kheak arih-a yapbah; tüsho nü kheak lung khülangnü khülang kheak kheangkihkhi maningshih, tümütüsho Thrünpuh nü kilim arüpü kim nünü mümükheahde lado.”

LUKNÜ ATHRÜTKHI THIYUSHEAK-ATSÜ HUHTANYU 6:22

“Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

JOHAN 13:31

Jumonü küyimki api wukhiukkhea, Jisunü tha, “Kheakü Mihtsürü Tsührü müretahdo, tüsho api kheak Thrünpuh müretahdo.

YUNIRÜBO RHIMO 15:14

Thrünpuhnü arü bolungnü api mihtsürü thsüpü bea lude akhuhde khiungkerü rhuakheahkhi Simonnü thanaka huhdo.

YUNIRÜBO RHIMO 24:13

Arünü I azhihde nü ki she amütsan jihkhukpü yung.

YUNIRÜBO RHIMO 25:7

Tüsho küyimki api arükhea, Jirusalem chingnü arükhi Jihudarünü api mükamdoa zhipbah arünü mümütsankhukkhi ahihdonü Paul azhihde atsang.

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

ROMRÜ KILIM PAULNÜ ATHRÜTKHI KIHÜM HUHTANYU 14:18

shepünü hanangde Khrista tankihchonü Thrünpuh kilim aleangkhikhukbe tüsho mihtsürünü am de thachoh.

ROMRÜ KILIM PAULNÜ ATHRÜTKHI KIHÜM HUHTANYU 15:9

tüsho junangde khiungkerünü api amüthsüm thsungkheak Thrünpuh müretahpü lakheah. Ha thrüta lah, “Jumonü inü khiungkerü bolung nü shijihbah, tüsho nü shide khün thsübah”;

1 KORINT 14:25

tüsho api mulong ching rama lakhi lahkhitbah; junangde apinü khukningde Thrünpuh kingaünbah tüsho Thrünpuh nüsa bolung lah de athabah.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 13:7

Kheakü nüsanü amülim tümü mürhimopü isanü Thrünpuh ki tamkhüntamnüchoh. Rükakheahkhi isanü kukdo de mihtsürünü angüshihbe yung tüshe isa mukukzamkhi nangde lalashe nüsanü tümü alimanü arhimobah.

2 KORINT 8:21

tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah.

EFISIA 2:3

harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah.

EFISIA 4:22

Khakhih nüsa rhangdung yakli tüsho mülapmüji shihkünkhi hode athsümünimkhi bahang,

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

1 TESALONIKA 4:12

junangde nimung aban nü rhangdung lakhinü aleangkheakrü wüntre ngübah tüsho she kheak she nü düthsün angüde müla.

1 TIMOTHI 2:2

isanü akinrü thsüde, tüsho wüntre lakhi alala ching akhimahe tüsho mungtsü rhangdung lapü thsüde kiulongthsürübo tüsho thiyukhümsühmüh larü thsungkheak mushujihbeah.

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

IBRI 13:18

Isa thsungkheak tamkhüntamnüjang, tümüde lüpdükhi ching wüntre lade arhimopü mulongde isa lümkhi müsühlah de isanü mütsanlah.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”

JAKOB 3:13

Nüsa bolung shepü lümlung tüsho anikhitkhi la? Api rhangdung atsü hode azhihayih lümlung chingnü api rhimobo huhshang.

1 PETER 2:15

Tümüde alim rhimokhinü makha mihtsürü yakli mümükheahde athakhi nüsanü zhikde akamshihpü Thrünpuh lümkhi lah.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

2 PETER 3:11

Tümütüsho lüpdükhi hanangde athsümünimpü lale, nüsa küdürü mihtsürü labea? Nüsanü müsühde tüsho kinde,

RUTH 3:14

Jumonü alibenü yapsu khiungde ajing kheak yap, tüsho hanrü-akiu mümütsanchokinü asürü. Tüsho apinü tha, “ Alibe rhimopung ching arükheah de dümükheahshih.”