1 PETER 2:11 - AMÜSÜH HÜM CL Bible (BSI)

¹¹ I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.

1 PETER 2:11 Iomraidhean Croise

THRÜNTAN 21:34

Tüsho Abrahamnü Filistia lomi ching kim ashang tsotsahde la.

THRÜNTAN 23:4

“I khiungkerü ah tüsho nüsa bolung tsotsahrü ah. I kilim alo khürü yinjang, junangde inü I niube kiuyuka bahanü.”

THRÜNTAN 47:9

Jakobnü Pharao ki alo, “I rümde atsahkhi kambo 130 ah; I kambo ju nüklah tüsho küpkhuk lado, tüsho jurünü I buh pürü rümde atsahkhi kambo mukhiung.”

1 KIUTHSÜYUKHEAN 29:15

Tümüde isa le isa jipürübo nü miki khiungkerü tüsho nahde atsopü lah; alomi kheak isa nimungbo me khülang nangde lah, tüsho ju ching mulonglam müla.

MUNGSHIKHÜN 119:19

I a alomi ching hanrü khülang ah; nü yukhümbo I kheaknü düram.

MUNGSHIKHÜN 119:54

I amüsüh-hantsah yam ching nü yakzan thsükhibo ju I khünbo lakheah.

MUNGSHIKHÜN 39:12

I tamkhüntamnü sojang, O Atungpuh , tüsho I tripkhi anijang; I tripchoki zhikde düla. Tümüde I a nü lung I buh pürü nangde jaksorü, tsotsahrü khülang ah.

LEVI 15:18

Küyimki athrürünü aliberü kheak nungbah ke akhiukbanü, ane chido kemüyihbeah, tüsho ane arelim khiungde mümüsühkhi labah.

LEVI 25:23

Alo ju kamruhroro thsungkheak müyinbeah, tümüde alo ju I yo ah; nüsa I lung jaksorü tüsho tsotsahrü ruk lah.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

YUNIRÜBO RHIMO 15:20

ju müthri isanü arü ki sangthsübo kilim kingaünkhi amümüsüh mütsühpü, müzammüram müyihbeakpü, tüsho athünitsahkhi shiwüh yungsho thiyih mütsühpü thrütbeah.

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 7:23

tüshe I lümkhi yakzan bede thirithsükhi I pang shihcham ching yakzan püpü inü ngüchoh tüsho I ju I pang shihcham ching lakhi neak aramrü kamshihchoh.

ROMRÜ KILIM PAULNÜ ATHRÜTKHI KIHÜM HUHTANYU 8:13

Tümüde nüsanü shih ayannü lasho nüsa ashebah, tüshe nüsa Me hode pangnü arhimomihkhibo sheshihsho, nüsa arhang labah,

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

GALATIA 5:24

Tüsho sherü Jisu Khrista yoanü akünkhi tüsho amürühkhi bede shih yakli yümkihabahdo.

EFISIA 2:19

Jumonü kheaküa nüsa hanrübo tüsho tsotsahrübo yung tüshe amüsührübo tüsho Thrünpuh yamkhünbo lung rukhüh mihkhung,

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

IBRI 6:9

Amuzho müyamrübo, isanü hanangde thaa lalashe, nüsa akhümkhit müngühmühi atsübe lakhi nüsa dünkheak mulongram lah.

JAKOB 4:1

Nüsa bolung thirithsü tüsho rukachih tümünü akhiukshihcho? Ju nüsa shihkünkhinü nüsa bolung thirithsü lah yung de?

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

1 PETER 4:12

Amuzho müyamrübo, nüsa rükaki thsünü lachoki nüsa ki tümükhüh aso dünjikhi nangde dümüyinsah.

1 PETER 4:2

junangde kheaküa aningkhi api alomi rhangdung ju mihtsürünü akünkhinü yung tüshe Thrünpuh lümkhinü lachoh.

2 PETER 3:1

Amuzho müyamrübo, kheakü ha nüsa kilim I yo kihüm mahnepü ah. Inü ane chido nüsa lümkhi kurhangpü lümkhitloshihde thrütdo;