1 PETER 1:8 - AMÜSÜH HÜM CL Bible (BSI)

⁸ Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

1 PETER 1:8 Iomraidhean Croise

KHÜNBOLUNGKHÜN 1:7

I ki thaang, nü shepü I menü muzhocho, nü mihnu boto küching yimkipcho, animuro nünü kükheak yapshihcho; tümüde nü müyamrü mihnu boto ki I kudukiukhi liberü nangde alapü?

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

KHÜNBOLUNGKHÜN 5:9

O aliberübo lung atsüdakbe, nü tsübuh ju püpürü müyamrü kheaknü tümü büthsü la? Nünü isa ki thapü thsüde nü tsübuh ju püpürü müyamrü kheaknü tümü büthsü la?

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

JOHAN 14:15

“Nüsanü I muzhosho, I yuzüngbo zoang.

JOHAN 14:21

Shepü I yuzüngbo la tüsho jurübo zochonü apinü I muzhochoh. Shepünü I muzhochonü I Buhnü amuzhobah, tüsho inü api muzhobah tüsho api ki I akhiuka huhbah.”

JOHAN 14:24

Shepünü I mümuzhonü I yubo muzochoh; tüsho nüsanü asokhi yu ju I yo yung tüshe I thiyikhi I Buh yo ah.

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.

JOHAN 20:29

Jisunü api ki tha, “Thoma, tümütüsho nünü I ngümonü kindo. Shepünü müngü tütüshe kindünü müngühmühi.”

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,

YUNIRÜBO RHIMO 16:34

Jushu apinü ane ju api yam ching bede wutu, tüsho ane miki tsühyungbe zojih; tüsho apinü Thrünpuh kheak kinkhi dünkheak api yamkhün alala bede asühachih.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

2 KORINT 1:22

apinü isa kheak mütsanyüm yihkih tüsho mütsanmükhi thsüde isa mulong ching api Me jih.

2 KORINT 12:4

tüsho mihtsürü münnü müthakhukbe tümüanü apinü so.

2 KORINT 4:18

Tümütüsho isanü ngüde alakhi kukruk yung, tüshe amüngükhi kukrukbo kheak kheahchoh; tümüde ngüde alakhibo anükhühkheak labah, tüshe tümü müngünü lünnü alabah.

2 KORINT 5:7

tümüde isa akinnü tsahchoh, angükhinü yung.

2 KORINT 9:15

Müthakhukbe api thsambah thsungkheak Thrünpuh kilim makshe jihang!

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

EFISIA 3:19

tüsho mükheahmudu zhichoki Khrista amuzho mükheahpü labah, junangde Thrünpuh khiukdahkhinü nüsa mide akambah.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

FILIPI 1:25

Ha lümkihkhinü I aninga labah de inü mükheahlah, tüsho nüsa alü zokihkhi tüsho akin ching asühachihkhi thsungkheaknü nüsa alala lung I mutukzhakde alabah,

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

FILIPI 4:4

Atungpuh lung kamruhroro asühang; inü thalochoh, asühang.

IBRI 11:1

Kheakü akin ju mulonglamde alakhi mütsankhi, müngüde alakhi mütsandakkhi ah.

IBRI 11:27

Akin hode apinü kiulongthsüpuh bukakhiukkhi mütrede Ijip bahbah tso; tümüde apinü amüngübuh ngükhinü arümkhuk.

1 PETER 1:6

Anükhüh labah rükaki aphuaphu ching nüsa thsünüpü laa lalashe, ha dünkheak nüsanü asühachihang,

1 PETER 2:7

Jumonü nüsa akinrübo ki api ju shoto ah, tüshe amükinrü thsungkheak, “Thüyam-thsürünü abahyukkhi lung thsü amühit-lung adungtobe kamdo,”

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.