1 PETER 1:6 - AMÜSÜH HÜM CL Bible (BSI)

⁶ Anükhüh labah rükaki aphuaphu ching nüsa thsünüpü laa lalashe, ha dünkheak nüsanü asühachihang,

1 PETER 1:6 Iomraidhean Croise

MUNGSHIKHÜN 119:28

Mulong rozhakkhinü I me khia lah; nü yu yande I düküngshang.

MUNGSHIKHÜN 119:75

O Atungpuh , nü mahkhapkhibo alungki ah de inü mükheahlah, junangde thiyuro lakhi ching nünü I thsünüshih.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

MUNGSHIKHÜN 35:10

I mulong athrünkhinü athabah, “O Atungpuh , nü nangde she la? Nünü sühmüh larü kheaknü ayiuhyiuhrü, tüsho junorü kheaknü zhochihrü bekhitchoh.”

MUNGSHIKHÜN 69:20

Mükhemükimnü I mulong thsümünimdo, junangde I mulong dükheakkhi ching lah. Amuzho tüsho mulong shukheamrü inü kheah tüshe inü she müngü.

MUNGSHIKHÜN 9:14

junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

MUNGSHIKHÜN 95:1

O arang, isanü Atungpuh ki khün thsanü! Isanü isa akhümkhit lungto ki asühachihde ahoanü.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

MATHI 26:37

Apinü anihbuh lung Peter tüsho Zebedee tsührü mahne bea lu tüsho mulong rozhakde sükde lümthsünüpü tankih.

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

LUKNÜ ATHRÜTKHI THIYUSHEAK-ATSÜ HUHTANYU 1:47

I menü I khümkhitbuh Thrünpuh lung asühchoh,

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

LUKNÜ ATHRÜTKHI THIYUSHEAK-ATSÜ HUHTANYU 2:10

Yunirünü arü ki tha, “Dütre; tümüde kheahang, inü mihtsürü alala thsungkheak asühpü ato thiyusheak atsü hande arüchoh;

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

ROMRÜ KILIM PAULNÜ ATHRÜTKHI KIHÜM HUHTANYU 5:2

Akin hode apinü kheakü isa zhipde alakhi amüthsüm ching isa bedarü. Tüsho Thrünpuh müretah mulonglam ching isa asühachihchoh.

ROMRÜ KILIM PAULNÜ ATHRÜTKHI KIHÜM HUHTANYU 9:2

junangde I mulong ching mulong rozhak ato tüsho mükheamkhi thsünü lah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

FILIPI 2:26

tümüde apinü nüsa alala thsungkheak mürheangde lüm, tüsho nüsanü api tukthsülah de asokhi hode api lümthsünü.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

FILIPI 4:4

Atungpuh lung kamruhroro asühang; inü thalochoh, asühang.

1 TESALONIKA 1:6

Nüsa ju isa tüsho Atungpuh kheahkhirü kamdo, tümüde nüsa thsünü ching lachoki Amüsüh Menü asühshihde thiyusheak leangkhi;

JAKOB 1:2

Keoniorübo, küyimki nüsanü rükaki aphuaphu shorubanü alala asühkhi ah de lümang,

JAKOB 1:9

Abobe kuhi ching lakhi keoniorünü api shuhkihkhi dünkheak dükükheang,

JAKOB 4:9

Mulong tukthsüang, tripang tüsho tüzhoang. Nüsa münekhi mulong rozhak tüsho nüsa asühkhi miro mitingkhi kamshang.

1 PETER 3:17

Tümüde amülim rhimopü dün a, Thrünpuh lümkhi thsüsho alungki rhimokhi dün thsünükhi atsübe ah.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 SAMUEL 2:1

Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=