1 PETER 1:3 - AMÜSÜH HÜM CL Bible (BSI)

³ Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

1 PETER 1:3 Iomraidhean Croise

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 31:8

Küyimki Hezekia tüsho atorübonü arübah amujungbo ngükhea, arünü A TUN GPU H shijih tüsho api mihtsürü Israel müngühjih.

MUNGSHIKHÜN 41:13

Israel Thrünpuh Atungpuh shiang! kheakü tüsho lünnü api shiang! Amen! Amen!

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

ISAIA 26:19

Isa mihtsürü shea larü arhang kamlobah, arü mibo asürübah. O asungthulung ching larübo, asürang tüsho asühachihkhi khün thsang! Tümüde nü yo ayinke ju yapsu ayinke nangde lah, tüsho alominü shea larü yankhitbah.

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 4:25

Api ju isa neakbo dünkheak ashepü ching jih tüsho isa alim kamshihpü thsungkheak arhang kamloshih.

ROMRÜ KILIM PAULNÜ ATHRÜTKHI KIHÜM HUHTANYU 5:10

Tümütüsho thiriri lachoki api tsührü shekhinü Thrünpuh kheak isa tsüarihshih-a lasho, alü thsüde kheakü tsüarih-a lale, api rhangdungnü isa khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 8:11

Ashe chingnü Jisu bemusubuh Me nüsa kheak lasho, ashe chingnü Jisu Khrista bemusubuhnü nüsa kheak lakhi Me hode ashepü lakhi nüsa pangbo kilim rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 8:24

Tümüde ha mulonglam ching isa khümkhitkheah. Angükhi mulonglam ju atsütsü mulonglam yung, tümüde apinü angükhi thsungkheak shepünü mulonglamcho?

1 KORINT 13:13

Tüsho kheakü harü mahsam lah: akin, mulonglam tüsho amuzho; tüshe harü bolung atobe ju amuzho.

1 KORINT 15:20

Tüshe atsütsü asherü she arhang kamlobah dükhi amütsan Khrista ashe chingnü arhang kamlodo.

2 KORINT 1:3

Isa Atungpuh Jisu Khrista Abuh tüsho Thrünpuh, mihmüthsümbo Abuh tüsho mulong shukheam alala Thrünpuh shiang,

GALATIA 6:16

Ha yuzüng hode atsahrü alala, Thrünpuh mihtsürübo kheak mungtsü tüsho mihmüthsüm laang.

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

EFISIA 3:20

Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim,

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

1 TESALONIKA 4:13

Keoniorübo, shea larü dünkheak nüsanü mümükheahde mülashihne, yungsho mulonglam mülakhi mihtsürübo nangde mulong murozhakshihne.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 1:23

Adükheakbe müjih yung tüshe amüdükheakpü arhang tüsho rünkhiungbe Thrünpuh yu hode nüsa aso zübeloshih.

1 PETER 2:2

Aso zübekhi khungarübo nangde, me niuhke müthsün yungang, junü nüsa akhümkhit ching zokihbah;

1 PETER 3:15

Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang;

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,

1 PETER 3:5

Junangde ahokhi ching Thrünpuh kheak mulonglam larü amüsüh liberübonü arü niubuhrü bukkhüp lakhinü arü jak tsüde kamshih.

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.

1 JOHAN 3:9

Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah.

1 JOHAN 4:7

Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

1 JOHAN 5:18

Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.

1 JOHAN 5:4

Tümütüsho Thrünpuh tsührübo abannü alomi kukchoh; tüsho isa akin hode isanü alomi kurungkheak akuk ngükhi lah.