1 PETER 1:25 - AMÜSÜH HÜM CL Bible (BSI)

²⁵ tüshe Atungpuh yu lünnü lah.” Tüsho nüsa ki thsangyuthsangrakhi thiyusheak atsü ju ha lakheah.

1 PETER 1:25 Iomraidhean Croise

MUNGSHIKHÜN 102:12

Tüshe O Atungpuh , nü lünnü rünkhiungde alabah, tüsho lünbo alala ching nü mung lümkhitkhi labah.

MUNGSHIKHÜN 102:26

Arübo adükheakbah, tüshe nü a rünkhiungbah; arü alala khimmih nangde amürhütbah; khimmih nangde nünü arü müthribah, tüsho arübo amüthribah.

MUNGSHIKHÜN 119:89

O Atungpuh , lünnü nü yu yinmi ching lah.

ISAIA 40:6

Düsheaknü tha, “Zhiang!” Tüsho inü tha, “ Inü tümü zhiba?” Mihtsürü alala sangrung ah, arü tsakamkhi ju thulu sangbün nangde lah.

ISAIA 40:8

Sangrung yiuhchoh, sangbün keamkhichoh; tüshe isa Thrünpuh yu lünnü azhipbah.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

LUKNÜ ATHRÜTKHI THIYUSHEAK-ATSÜ HUHTANYU 16:17

Yakzan yo thiyumük khülang yihkhita bahpü kheaknü a thüning le alomi dükheakpü athülihbe ah.

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

1 KORINT 2:2

Tümüde Jisu Khrista tüsho api yümkihkhi kheak hode inü nüsa bolung tümü mükheahpü mupungkhi.

EFISIA 2:17

Tüsho api arübah nüsa limshu tüsho phünide alarü ki mungtsü thsangyuthsangra;

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

TITA 1:3

tüsho isa khümkhitrü Thrünpuh thiyukhümnü I ki thiyia lakhi api yu thsangyuthsangrakhi hode kim dükdü ching dünjikhinü;

IBRI 6:5

arünü Thrünpuh yu atsü tüsho arübe lün wubo tsahkeakheahdo,

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 1:23

Adükheakbe müjih yung tüshe amüdükheakpü arhang tüsho rünkhiungbe Thrünpuh yu hode nüsa aso zübeloshih.

1 PETER 2:2

Aso zübekhi khungarübo nangde, me niuhke müthsün yungang, junü nüsa akhümkhit ching zokihbah;

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.

1 JOHAN 1:1

Atankih chingnü alakhi, isanü asokhi, isa müknü angükhi, isanü kheahbah isa khahbonü aqiukhi rhangdung yu dünkheak–

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

AMIKHEAKAKHIUKKHI 14:6

Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü;