1 PETER 1:22 - AMÜSÜH HÜM CL Bible (BSI)

²² Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 1:22 Iomraidhean Croise

JOHAN 15:17

Nüsa khülangnü khülang muzhoachihpü thsüde inü nüsa ki thiyukhüm jihchoh.

JOHAN 15:3

Inü nüsa ki asukkhi yu hode nüsa müsühkhita lah.

JOHAN 17:17

Nü thiyuro hode arü tsangkhitjang. Nü yu ju thiyuro ah.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

YUNIRÜBO RHIMO 15:9

tüsho apinü isa le arü dükeak tümü mübüthsüjih, tüshe akinnü arü mulong müsühjih.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

ROMRÜ KILIM PAULNÜ ATHRÜTKHI KIHÜM HUHTANYU 1:5

shepü hode isanü amüthsüm tüsho api mung ching trükshih alala bolung akin ching mihyuanipü amüsüh-thsangyurü thsüpü leangkhikhea,

ROMRÜ KILIM PAULNÜ ATHRÜTKHI KIHÜM HUHTANYU 2:8

Tüshe yihnelunerü tüsho thiyuro bahyukbah amütsü yimrü thsungkheak mulong zhipzhip tüsho bukakhiuk labah.

ROMRÜ KILIM PAULNÜ ATHRÜTKHI KIHÜM HUHTANYU 8:13

Tümüde nüsanü shih ayannü lasho nüsa ashebah, tüshe nüsa Me hode pangnü arhimomihkhibo sheshihsho, nüsa arhang labah,

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

GALATIA 3:1

O makhakhi Galatiarü! Nüsa mük ki Jisu Khrista yümkihkhi mütsande ngübahle shenü nüsa bephülapkhea?

GALATIA 5:5

Tüshe akinnü, Me hode thiyuro-lungki mulonglam isanü aleangchoh.

GALATIA 5:7

Nüsa tsüde rhimode alakheah; shepünü nüsa thiyuro anipü chingnü tukloshihkhea?

EFISIA 4:3

mungtsü shuründe Me arihako lapü mulong jihang.

FILIPI 1:9

Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah,

1 TESALONIKA 3:12

tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang,

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

1 TIMOTHI 5:2

azoberübo ki berübo nangde, akheamrü aliberübo ki niurübo nangde, alala atsangkhitkhi ching rhimoang.

2 TIMOTHI 1:14

isa kheak lakhi Amüsüh Me hode nü ki thiyikhi thiyuro aheangang.

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

IBRI 13:1

Keoniorübo khülangnü khülang muzhoachihde laang.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

JAKOB 1:21

Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 PETER 2:17

Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.

1 PETER 3:1

Niuberübo, junangde nüsanü nüsa niubuhrü bukkhüp laang, jude athsükhinü khürünü thiyu mania lalashe, thiyu mübede arü niuberü yakli hode arübo kuka lubah,

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 1:7

tüsho akinkhi ching keoniorü lümrhihkhi, tüsho keoniorü lümrhihkhi ching amuzho.

1 JOHAN 3:11

Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah,

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 4:12

Mihtsürü shenü she Thrünpuh müngüakheah; isanü khülangnü khülang muzhoachihsho, Thrünpuh isa lung lah tüsho api amuzho isa kheak banthsangde lah.

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.

1 JOHAN 4:7

Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah.

AMIKHEAKAKHIUKKHI 2:4

Tüshe inü ha nü azhihde alakhi ju, nünü akhuhde amuzho lakhi bahyukdo.