1 PETER 1:12 - AMÜSÜH HÜM CL Bible (BSI)

¹² Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 1:12 Iomraidhean Croise

ABEKHIT 25:20

Tüsho cherubimnü arü ghidükeangbo mihmüthsüm binkiu lüpdode akulim chungkihbah, tüsho ane miro kheahachihbah; cherubim mirobo ju mihmüthsüm binkiu lim abinbah.

MÜCHITMUDU 1:23

Inü athürühkhi lim rholoang; tsükjide inü I me nü kheak dungkihbah; inü I yubo nü ki mükheahshihbah.

ISAIA 32:15

achang kheaknü me khülang isa kheak mudungkihyi khiungde tüsho sunglo ju aso-asokhi lu mükamyi khiungde, tüsho alo atsü lu murung nangde mükamyi khiungde alabah.

ISAIA 53:1

Isa yusheak shepünü akinkhea? Tüsho shepü ki Atungpuh khah akhiukkhea?

DANIEL 10:1

Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.

DANIEL 12:13

Tüshe nü, nü limro ching yüang, tüsho sühakhimang; akheam nimungbo ching nü thsambah leangkhia lupü nü asürübah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

DANIEL 2:19

Judüki amüthakhukkhi aramyu ju azhing michih ching Daniel ki akhiuka huh tüsho Danielnü yinmi Thrünpuh shijih.

DANIEL 2:22

Apinü asük tüsho rama lakhibo akhiuka huhchoh; apinü amiting ching tümü lanü mükheahlah, tüsho api lung ayin lah.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 8:13

Judüki amüsühbuhnü asukkhi inü so, tüsho püpü amüsühbuhnü khülang ki ju asuk, “Taka kingaünkhi, zhikabahshihde neak yihbeakkhi, arüngyam tüsho yinmi bonungrü jungpü michih ha külokhüh laba?”

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 2:26

Junangde apinü Atungpuhnü alokhikhi Messia arükhi müngüyikia ashepü müngü de Amüsüh Menü api ki akhiuka huh.

LUKNÜ ATHRÜTKHI THIYUSHEAK-ATSÜ HUHTANYU 9:6

Jumonü arünü chamachih tüsho kiutobo hode thiyusheak-atsü thsangyuthsangrade tüsho alala ching thsüngude yü.

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

YUNIRÜBO RHIMO 10:44

Peternü ha thade alachoki, thiyu sorü alala kheak Amüsüh Me keam.

YUNIRÜBO RHIMO 16:10

Küyimki apinü michih ngükheanü, arü kilim thiyusheakatsü thsangyuthsangrapü Thrünpuhnü ike jikheah de adüngakhibah nahdü lang Macedonia lim yüpü thsakham.

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 4:8

Judüki Peternü Amüsüh Menü mibah arü ki tha, “Mihtsürübo yo yakzanshuhrübo tüsho azothsürübo,

YUNIRÜBO RHIMO 8:25

Küyimki arünü thiyumütsan jihde Atungpuh yu asukkhea, arünü Samariarü kiulongbo ahihdo ching thiyusheak-atsü thsangyuthsangrade Jirusalem lim alode yü.

ROMRÜ KILIM PAULNÜ ATHRÜTKHI KIHÜM HUHTANYU 1:15

Jumonü nüsa Rom ching larü ki she thiyusheak-atsü thsangyuthsangrapü mulungde lah.

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

ROMRÜ KILIM PAULNÜ ATHRÜTKHI KIHÜM HUHTANYU 10:15

Tüsho arü thiyia mülasho mihtsürübonü küde thsah thsangyuthsangraba? Ha thrüta lah, “Thiyusheak atsü thsangyuthsangrarü jing küdükhüh she akhamla!”

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

1 KORINT 2:10

Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

2 KORINT 1:22

apinü isa kheak mütsanyüm yihkih tüsho mütsanmükhi thsüde isa mulong ching api Me jih.

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

GALATIA 1:12

Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü.

GALATIA 1:16

inü khiungkerü bolung api thsangyuthsangrapü api tsührü I kheak akhiukpü lakhea, inü mihtsürü ki keokhikeorapü müniokheam,

EFISIA 3:10

junangde borü hode yinmi kiulongthsübo ching yakzanshuhrübo tüsho thiyukhümsühmühbo ki Thrünpuh lümlung aphuaphu mükheahshihpü,

1 TESALONIKA 2:9

Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

IBRI 4:2

Tümüde arü kilim nangde thiyusheak atsü isa kilim arü tüshe arünü asokhi yusheaknü arü alü müthsü, tümütüsho arünü akin bede musokhit.

1 PETER 1:25

tüshe Atungpuh yu lünnü lah.” Tüsho nüsa ki thsangyuthsangrakhi thiyusheak atsü ju ha lakheah.

1 PETER 4:6

Jumonü thiyusheak-atsü ju asherü ki she thsangyuthsangrakheah, junangde shih ching mihtsürü nangde arübo mahkhapbah, tüshe Thrünpuh nangde me ching labah.

AMIKHEAKAKHIUKKHI 5:11

Judüki inü kheah, tüsho kiulongthsü-binkiu, shiwühbo, tüsho azothsürübo mükamde yunirü ahihkhüh chithürübo tüsho chithürü thürübo düsheak inü so.