1 PETER 1:10 - AMÜSÜH HÜM CL Bible (BSI)

¹⁰ Ha akhümkhit dünkheaknü wukihrübonü düshihde yimakheah tüsho Thrünpuhnü nüsa kilim jihpü amüthsüm dünkheak müchit;

1 PETER 1:10 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MÜCHITMUDU 2:4

nünü shotoyinchi nangde anihbe yimsho, tüsho rama lakhi rahpungbo nangde anihbe yimsho;

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 9:3

Jushu inü tamkhüntamnü chingnü mushude khümkeak thsüde tüsho shungliukhim yihbah awah ching awuhde Atungpuh T H RÜ NPU H kilim rholode yü.

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

MATHI 13:17

tümüde inü nüsa ki tsükjide thachoh, nüsanü angükhi tüsho asokhi wukihrübo tüsho thiyuro-lungki mihtsürübo ahihdonü ngünelah tüsho sonelah, tüshe müngü tüsho muso.

MATHI 26:24

Mihtsürü Tsührü a api dünkheak thrüta lakhi nangde yüchoh, tüshe shepünü Mihtsürü Tsührü yinatsühchonü ju mihtsürü are! Ju mihtsürü a api thsungkheaknü müzübejungkhi atsübe lado.”

LUKNÜ ATHRÜTKHI THIYUSHEAK-ATSÜ HUHTANYU 10:24

tümüde wukihrü tüsho kiulongthsürü ahihdonü nüsanü angükhi ngüpü kün, tüshe ju müngü, tüsho nüsanü asokhi sopü kün, tüshe ju muso.”

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

JOHAN 7:52

Arünü api ki alo tüsho tha, “Nü Galilee chingnü a de? Yimang tüsho kheahang, Galilee chingnü wukihrü sheshe masürü.”

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

IBRI 11:40

tümütüsho Thrünpuhnü tümüanü atsübe isa thsungkheak ngüjung, junangde isa rukhühnü lang arü khiukdahde akamshihpü lakheah.

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.