1 PETER 1:1 - AMÜSÜH HÜM CL Bible (BSI)

¹ Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,

1 PETER 1:1 Iomraidhean Croise

ESTER 3:8

Hamannü kiulongthsüpuh ki tha, “Nü kiulongthsü bukkhüp trük khülang lah. Arünü püpürü kheaknü büthsüde yakzan ahorichoh. Ju lang yung, arünü nü yakzan mani, jumonü judürü mihtsürü kheak amümürang thsübe yung.

MUNGSHIKHÜN 44:11

Nünü isa alaksahpü lakhi namfimihnunu nangde kamshih, tüsho trükshihbo lung isa hiumüzütshih.

EZEKIEL 6:8

Tüshe inü khürü aningshihbah, tümüde nüsa lomibo tüsho trükshih bolung müzütchoki nüsa khürü nukshang chingnü atsokhitbah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

MATHI 10:2

Jingyanrü thürükheak mahne mung harü ah: akhuhbuh ju Peter de ajikhi Simon, tüsho aniurü Andria; Zebedee tsührü Jakob tüsho aniurü Johan;

MATHI 24:22

Jurü nimungbo mükhikkheamkhülaa, sheshe rhangdung mülade alabah, tüshe amokhitrübo thsülimnü jurü nimungbo khikkheamjihbah.

MATHI 4:18

Jisu ju Galilee keto yean tsahde alachoki, apinü keoniorü mahne, Peter de ajikhi Simon tüsho aniurü Andria büne keto ching keang jipde ngü, tümüde ane thüngüh-ramrü lakheah.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

JOHAN 7:35

Judüki Jihudarübonü arü bolung thaachih, “Api küching yüpü lümkhi isanü api müngüpü? Api ju isa mihtsürü lapung Greekrü lung yübah Greek thsangyupü lümla shi?

YUNIRÜBO RHIMO 18:2

Tüsho apinü Pontus chingnü asürükhi Jihudarü amung Aquila, aniube Priscilla bebah Itali chingnü ashude arükhi ngü, tümütüsho Klaudianü Jihudarü alala Rom chingnü atsopü thiyukhüm jih. Tüsho apinü ane shorupü yü;

YUNIRÜBO RHIMO 18:23

Apinü ju ching anükhüh kheak bin tüsho Galatia tüsho Phrygia lomi dangpung khülang chingnü püpü ching yüde akinrü alala düküngshih.

YUNIRÜBO RHIMO 19:10

Ha kam mahne mutuklode yü, junangde Asia ching larü alala, Jihudarü tüsho Greekrü chidonü Atungpuh yu so.

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 8:4

Kheakü sherü hiumüzüta lakheanü thiyusheak thsangyuthsangrade yü.

1 KORINT 16:19

Asia borübonü salüm mühahchoh. Aquila le Priscilla tüsho arü yam ching mukhungkhi borübonü Khristan amuzho salüm mühahchoh.

2 KORINT 1:8

Keoniorübo, tümüde Asia ching isa thsünükhi nüsanü mümükheahde mülashihne; isanü marümkhukpü thsüde isa thsünü ato khüp la, junangde rhangdung lapü mulonglam she akheam thsü.

GALATIA 1:2

tüsho I lung lakhi keoniorü alala kilimnü, Galatia borübo kilim:

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

EFISIA 2:19

Jumonü kheaküa nüsa hanrübo tüsho tsotsahrübo yung tüshe amüsührübo tüsho Thrünpuh yamkhünbo lung rukhüh mihkhung,

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.

YUZÜNGTHALO 32:26

Inü hade thakhülaa, Inü arü ashang ching hiumüzütshihbah, inü arü mihtsürü bolungnü alümkhitpü arün thsüshihbah,

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

2 TIMOTHI 1:15

Asia ching larü alala I kheaknü rholode tsoabahdo de nünü mükheahlah, tüsho arü bolung Phygela tüsho Hermogenea belah.

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”