1 KORINT 9:22 - AMÜSÜH HÜM CL Bible (BSI)

²² Reangmüzahrü ki arü bedarüpü I reangmüzahde kam. Inü khürü khümkhitpü thsüde mihtsürü alala ki I ju ruk kam.

1 KORINT 9:22 Iomraidhean Croise

ROMRÜ KILIM PAULNÜ ATHRÜTKHI KIHÜM HUHTANYU 11:14

Junangde inü I mihtsürü Jihudarü mükthsüde akamshihbah, tüsho arü khürü khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 14:1

Akin ching reangmüzahkhi mihtsürü leangkhiang, tüshe lümkhi atsangachihpü thsungkheak yung.

ROMRÜ KILIM PAULNÜ ATHRÜTKHI KIHÜM HUHTANYU 14:2

Khürü a tümütümü she atsühpü akin lah, tüshe akin ching reangmüzahkhi mihtsürünü wokephüyak lang tsühchoh.

ROMRÜ KILIM PAULNÜ ATHRÜTKHI KIHÜM HUHTANYU 15:1

Isa reangzahde alarünü reangmüzahrü akuk müngükhi ching arümkheambeah, tüsho isa asühpü thsungkheak yung.

ROMRÜ KILIM PAULNÜ ATHRÜTKHI KIHÜM HUHTANYU 15:2

Isa mihbüm abannü nihbuh yamhingrü düküngde atsü kamshihpü asühshahnü.

1 KORINT 10:33

lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.

1 KORINT 7:16

Niuberü, nünü nü niubuh khümkhitba shi yungnü küde thsah mükheahla? Niubuhrü, nünü nü niube khümkhitba shi yungnü küde thsah mükheahla?

1 KORINT 8:13

Jumonü tsühyungbe ju I keoniorü angakshihbe a sho, inü küyimkishe mütsüh, jude yungsho inü I keoniorü angakshihbah.

1 KORINT 9:19

Tümütüsho mihtsürü alala kheaknü I zuzu lalashe, alü bedarüpü thsüde I küdah thsüde alala azhorü kam.

1 KORINT 9:23

Inü ha alala thiyusheak-atsü dünkheaknü rhimochoh, junangde inü ju müngühmühi ching berungbah.

2 KORINT 11:29

Küyimki khürü reangmüzahbanü, I she reangmüzahde kamchoh; küyimki khürü neak yihbeakbanü, I lümthsününü mide kamchoh.

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.