1 KORINT 9:16 - AMÜSÜH HÜM CL Bible (BSI)

¹⁶ Tümüde inü thiyusheak-atsü thsangyuthsangrasho ju inü akükheangpü müla, tümütüsho yihnüpü lakhi I kheak yihkihjih. Inü thiyusheak-atsü müthsangyuthsangrasho I are!

1 KORINT 9:16 Iomraidhean Croise

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

JEREMIA 1:17

Tüshe nü, nü chim rümang; asürang tüsho inü nü ki thiyukhüm jihkhi alala arü ki thaang. Arü miki dütre jude yungsho inü nü arü miki treshihbah.

JEREMIA 20:7

O Atungpuh , nünü I mülapyukdo tüsho I mülapyuka lakheah, nünü I zhihodo tüsho nünü kukdo. I nimung amuyung münedung kamdo; alalanü I ki münejihchoh.

JEREMIA 20:9

Inü tha, “ Inü api mütam, yungsho kheaküa api mung ching masuk,” judüki I mulong ching mo nangde takchoh, I robo ching mükhipchoh; ju ching ramlokhinü I khilah, tüsho inü mukuk.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

AMOS 7:15

tüsho Atungpuhnü I mihnu boto kümkhi chingnü bea lu, tüsho Atungpuhnü I ki tha, ‘ Yüang, I mihtsürü Israel ki müchitang.’

MATHI 25:16

Judüki suna shonak 5000 leangkhibuhnü yübah jurünü shothsübu, tüsho püpü alü 5000 kamshih.

LUKNÜ ATHRÜTKHI THIYUSHEAK-ATSÜ HUHTANYU 9:62

Tüshe Jisunü api ki tha, “Shepünü khin ching wochakde zhipbah dunglim rholoa kheahchonü Thrünpuh kiulongthsü tankihpü müthülün.”

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

YUNIRÜBO RHIMO 9:6

tüshe asürang tüsho kiuto ching yüzahang, tüsho tümü rhimobeanü nü ki thabah.”

ROMRÜ KILIM PAULNÜ ATHRÜTKHI KIHÜM HUHTANYU 1:14

I a Greekrü le yakzan-mülarü, lümlung larü le makharü chido ki shozüng lah.

ROMRÜ KILIM PAULNÜ ATHRÜTKHI KIHÜM HUHTANYU 15:17

Jisu Khrista ching, Thrünpuh thsungkheaknü I rhimo dünkheak kükheangpü amütsan lah.

ROMRÜ KILIM PAULNÜ ATHRÜTKHI KIHÜM HUHTANYU 4:2

Tümüde Abraham ju rhimobo hode alim mütsana lasho, api akükheangpü lado, tüshe Thrünpuh miki yung.

1 KORINT 4:15

Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo.

1 KORINT 9:12

Püpürübo nüsa kheaknü arung ngüpü ha alim lasho, isa a alünü mülabea de? Judüalalashe, isanü ha alim mahori. Tüshe Khrista thiyusheakatsü limro müyihdopü isanü lüpdükhi arümkheam.

1 KORINT 9:14

Junangde sherü thiyusheak-atsü zhiyukchonü thiyusheak-atsü hode arü rhangdung lapü ngübah de Atungpuhnü thiyukhüm jih.

2 KORINT 2:12

Küyimki Khrista thiyusheakatsü thsangyuthsangrapü I Troa ching arükheanü Atungpuhnü I kilim ripit khimshuhjih;

KOLOSI 4:17

Tüsho Arkeppa ki thaang, “Atungpuh tankihpü ching nü kilim jihkhi rhimo akuk ngüpü thsang.”

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.