1 KORINT 9:15 - AMÜSÜH HÜM CL Bible (BSI)

¹⁵ Tüshe inü harü alimbo mahori, yungsho hadürü ngüpü inü müthrüt. Khürünü kükheangde junoshihpü dün a I ashekhi atsübe labah.

1 KORINT 9:15 Iomraidhean Croise

MATHI 18:6

“Tüshe shepünü I kheak kinrü harü azürü nunu bolung khülang neak yihbeakshihbanü, api hung ching hizübe-lung khülang chingkihbah keto asük ching yüzahkhi atsübe labah.

YUNIRÜBO RHIMO 18:3

tümütüsho ane nangde api she khimyam-thsürü lamonü ane lung rhimode mung.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 20:33

Inü she yo shotoyinchi, suna yungsho khimmih mümürühde lado.

YUNIRÜBO RHIMO 20:34

I tüsho I lung larü yihnüpü lakhi thsungkheak I khahnü rhimodo de nüsanü mükheahlah.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.

1 KORINT 4:12

isa khahnü rhimochoh. Küyimki athruajibanü, isanü müngühjihchoh; küyimki thsümüchibanü, isanü arümchoh;

1 KORINT 9:12

Püpürübo nüsa kheaknü arung ngüpü ha alim lasho, isa a alünü mülabea de? Judüalalashe, isanü ha alim mahori. Tüshe Khrista thiyusheakatsü limro müyihdopü isanü lüpdükhi arümkheam.

1 KORINT 9:18

Dale tüsho I thsambah tümü a? Ha lang ah: thiyusheak-atsü ching I alim müthade akeangnü thiyusheak-atsü thsangyuthsangrachoh.

1 TESALONIKA 2:9

Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo.

2 TESALONIKA 3:8

adün müjihde isanü she yikhap she mütsüh, tüshe nüsa ki hahmülang müjihpü thsüde keaksah khisahde isanü azhing ayin rhimo.