1 KORINT 9:1 - AMÜSÜH HÜM CL Bible (BSI)

¹ I zuzu müla de? I amüsühthsangyurü yung de? Inü isa Atungpuh Jisu müngü düpü? Nüsa ju inü Atungpuh lung rhimokhitkhi yung de?

1 KORINT 9:1 Iomraidhean Croise

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

YUNIRÜBO RHIMO 14:14

Tüshe küyimki Barnaba le Paul bünenü ju sokheanü ane khim thorüpbah boto lung zhide alihde yü,

YUNIRÜBO RHIMO 14:4

Tüshe kiuto mihtsürübo ju chamnak; khürü Jihudarü kilim tsang, tüsho püpürü amüsüh-thsangyurübo kilim tsang.

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

YUNIRÜBO RHIMO 9:17

Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”

YUNIRÜBO RHIMO 9:3

Tüsho api hantsahde alachoki Damaska thüninde arü, tüsho zukleangnü thüning limnü api mükamde ayin tahkhi.

YUNIRÜBO RHIMO 9:5

Tüsho apinü tha, “Nü she a Atungpuh?” Atungpuhnü tha, “I nünü athsümüchibuh Jisu ah;

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

ROMRÜ KILIM PAULNÜ ATHRÜTKHI KIHÜM HUHTANYU 1:5

shepü hode isanü amüthsüm tüsho api mung ching trükshih alala bolung akin ching mihyuanipü amüsüh-thsangyurü thsüpü leangkhikhea,

ROMRÜ KILIM PAULNÜ ATHRÜTKHI KIHÜM HUHTANYU 11:13

Kheakü inü nüsa khiungkerü ki thachoh. I khiungkerü kilim amüsüh-thsangyurü thsü khiungdüa inü I tankihkhi müretahshihbah.

1 KORINT 1:1

Jisu Khrista amüsüh-thsangyurü thsüpü Thrünpuh lümkhinü ajikhi Paul, tüsho isa keoniorü Sosthena kilimnü,

1 KORINT 10:29

nü yungde püpü mihtsürü lümzülümdo. Tümüde püpürü lümzülümdonü I zuzu lakhi thiyukhapshihpü?

1 KORINT 10:30

Inü makshe jihde tsühyungpü ching shihcham lusho, inü Thrünpuh ki makshe jihkhi thsungkheak tümü thsükhi I chikhipü la?

1 KORINT 11:16

Tüshe khürünü ha dünkheak atsangachihpü mulongsho, isa yungsho Thrünpuh borübo thsüthsü kingaünkhi ching ahoribe püpü müla.

1 KORINT 3:6

Inü khim, Apollonü ke duh, tüshe Thrünpuhnü toshih.

1 KORINT 9:19

Tümütüsho mihtsürü alala kheaknü I zuzu lalashe, alü bedarüpü thsüde I küdah thsüde alala azhorü kam.

2 KORINT 10:7

Nüsa mükbo ki tümü lanü kheahchoh. Khürünü api Khrista yo ah de mütsansho, isa nangde api ju Khrista yo ah de lümloshang.

2 KORINT 11:5

Tüshe “adungto amüsüh-thsangyurü” bolung I aninibe ah de inü mülümchoh.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

GALATIA 1:1

Amüsüh-thsangyurü Paul–mihtsürü kilimnü yungsho mihtsürü hode yung, tüshe Jisu Khrista tüsho api ashe chingnü arhang kamloshihkhi Abuh Thrünpuh hode–

GALATIA 5:1

Zuzu thsungkheaknü Khristanü isa zuzu kamshih; jumonü düküngde zhipang, tüsho azhorü sangshuh ching düshuhlo.

1 TESALONIKA 2:6

yungsho isa Khrista amüsühthsangyurü thsümonü nüsa ki kheangzükheangdoa lalashe, mihtsürü kilimnü, nüsa yungsho püpürü kilimnü isa mungshi müyim.

1 TIMOTHI 2:7

Ha thsungkheaknü I thsangyuthsangrarü tüsho amüsüh-thsangyurü, akin tüsho thiyuro ching khiungkerü thsangyurü khülang kamshih. Inü akeangyu yungde, thiyuro thachoh.

2 TIMOTHI 1:11

Ha thiyusheak-atsü thsungkheak I ju thsangyuthsangrarü, amüsüh-thsangyurü tüsho thsangyurü mokhit,