1 KORINT 8:9 - AMÜSÜH HÜM CL Bible (BSI)

⁹ Tütüshe nüsanü zuzude arhimokhinü reangmüzahrü ki jingmükhelung mükampü kümkangang.

1 KORINT 8:9 Iomraidhean Croise

ISAIA 35:3

Khah sühmüh mülarü reangzahshang tüsho mukhuk niknikrü düküngshang.

ISAIA 57:14

Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”

EZEKIEL 14:3

Mihtsürü tsührü, harü mihtsürübonü arü mulong ching sangthsübo zhipshihlah tüsho arü mirobo miki mihbukmuyuk jingmükhelungbo yuklah. Inü judü lang arünü I dünkheak keokhishihba shi?

EZEKIEL 44:12

Tüshe arünü Israelrü thsungkheak sangthsübo miki arüngako thsü tüsho arü yamkhün amülim ching jing mükheshih, jumonü arünü arü thsümüchi hanbah de arü dünkheak inü thiyuchihchimchoh, Atungpuh Thrünpuhnü thachoh.

LEVI 19:14

Nünü nükhünpeangrü dathru tüsho müktukrü müngüh jing mükhebe düzojih; nünü nü Thrünpuh treang: I Atungpuh ah.

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

ROMRÜ KILIM PAULNÜ ATHRÜTKHI KIHÜM HUHTANYU 15:1

Isa reangzahde alarünü reangmüzahrü akuk müngükhi ching arümkheambeah, tüsho isa asühpü thsungkheak yung.

1 KORINT 10:24

Shenü she nihbuh tsüpü yung tüshe nihbuh yamhingrü tsüpü yimang.

1 KORINT 10:28

Tüshe khürünü nü ki, “Ha shuhmülanga kingaünkhi ching jihkheah,” de thasho nü ki thabuh mihtsürü tüsho lümzülümdo dünkheaknü ju dütsüh–

1 KORINT 10:29

nü yungde püpü mihtsürü lümzülümdo. Tümüde püpürü lümzülümdonü I zuzu lakhi thiyukhapshihpü?

1 KORINT 10:32

Jihudarü, Greekrü yungsho Thrünpuh borü sheshe jing dümükheshih–

1 KORINT 8:10

Tümütüsho reangmüzahkhi khürünü, nü mükheahmudu mihtsürü sangthsü arüngyam ching tsühde ngüsho, sangthsübo ki kingaünkhi tsühyungbe tsühpü api mulong mütoshihba de?

1 KORINT 8:12

Hanangde reangmüzahde alachoki, nü keoniorü azhihde neak yihbeakkhi tüsho arü lümkhi yurijihkhi ju, nünü Khrista azhihde neak yihbeakchoh.

1 KORINT 9:22

Reangmüzahrü ki arü bedarüpü I reangmüzahde kam. Inü khürü khümkhitpü thsüde mihtsürü alala ki I ju ruk kam.

2 KORINT 11:21

Ju thsungkheak isa khide reangmüzah de I achihbe thsüde inü thachoh! Tüshe khürünü tümüpürü dünkheak kükheangpü mürangchonü, inü she ju dünkheak kükheangpü mürangchoh de makharü khülang nangde thachoh.

2 KORINT 11:29

Küyimki khürü reangmüzahbanü, I she reangmüzahde kamchoh; küyimki khürü neak yihbeakbanü, I lümthsününü mide kamchoh.

2 KORINT 6:3

Isa tankihkhi ching amülim tümü müngüpü thsüde isanü she limro she jingmükhebe muzhochoh,

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

KOLOSI 2:8

Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

1 PETER 2:16

Zuzu mihtsürü nangde laang, tüshe nüsa zuzu ju amütsü thsungkheak ahoripü yung; Thrünpuh yamlarü nangde laang.

2 PETER 2:19

Arünü arü ki zuzu thiyuchihchimchoh tüshe arü a athsümünim yo azhorü ah; tümüde tümüpürünü mihtsürü ju kukchonü, api ju yo azhorü ah.

AMIKHEAKAKHIUKKHI 2:14

Tüshe inü nü azhihde khürü lah: Ju ching Balak ki thaa Israel tsührübo müngüh jingmükhebe zoshihbah sangthsübo ki kingaünkhi tsühyungbe tsühshihkhi tüsho müzammüram rhimoshihkhi Balaam thsangyukhi yanrü khürü lah.