1 KORINT 8:6 - AMÜSÜH HÜM CL Bible (BSI)

⁶ isa thsungkheak a isa api thsungkheak lakhi Thrünpuh khülang, Abuh lah; tüsho api hode lüpdükhi arükhi tüsho api hode isa lakhi, Atungpuh khülang, Jisu Khrista lah.

1 KORINT 8:6 Iomraidhean Croise

ISAIA 46:9

Adüso dünjikhibo lümkhitang; tümüde I Thrünpuh ah, tüsho püpürü müla; I Thrünpuh ah, tüsho I nangde she müla,

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JONA 1:9

Apinü alo, “ I Ibrirü ah. Inü yinmi Thrünpuh, keto tüsho akung lomi thrünrü Atungpuh kingaünchoh.”

MALAKI 2:10

Isa alala abuh khülang lah yung de? Thrünpuh khülangnü isa thrünkhi yung de? Dale tümüde isanü isa jipürü tangzüng müneande khülangnü khülang ki akin mülaachih le?

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 1:10

Api alomi ching lakheah, alomi ju api hode thrün, tüsho alominü api mümükheah.

JOHAN 1:3

Lüpdükhi api hode thrün tüsho thrüna lakhi ching api mübede tümü she mülakheah.

JOHAN 10:30

I tüsho I Buh khülang ah.”

JOHAN 13:13

Nüsanü I ki thsangyurü tüsho Atungpuh de jichoh, tüsho nüsanü dükde thachoh, tümüde I ju ruk ah.

JOHAN 14:20

Ju nimung I Abuh kheak lah, nüsa I kheak lah, tüsho I nüsa kheak lah de nüsanü amükheahbah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

YUNIRÜBO RHIMO 17:28

tümüde ‘Api kheak isa lah, aphapchoh tüsho rhangdung lah’; tümüde nüsa yo thiyutsü thrütrü khürünü thaa lah, ‘Isa api tsührübo ah.’

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 11:36

Tümüde lüpdükhi api kilimnü, api hode tüsho api kilim lah. Lünnü api müretahshang. Amen.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 12:3

Jumonü shenü she Thrünpuh Me hode atharünü a, “Jisu muthrumüneanshang,” de müthachoh tüsho Amüsüh Me hode yungsho shenü she, “Jisu ju Atungpuh,” de müthachoh de nüsanü anikhitshihnelah.

1 KORINT 6:13

“Tsühyungbe ju buk thsungkheak tüsho buk ju tsühyungbe thsungkheak”–tüshe Thrünpuhnü ane chido dükheakshihbah. Pang ju müzammüram thsungkheak adungto yung, tüshe Atungpuh thsungkheak, tüsho Atungpuh ju pang thsungkheak.

1 KORINT 8:4

Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

EFISIA 3:14

Hamonü inü Abuh miki khukningchoh,

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

YUZÜNGTHALO 6:4

“O Israel aniang: Atungpuh isa Thrünpuh ju lang Atungpuh ah!

KOLOSI 1:6

alomi alala ching lakhi nangde, küpü nüsa kilim arükhea, tüsho nüsanü asokhi nimungnü nüsa bolung lakhi tüsho Thrünpuh amüthsüm thiyuro ching zokhi nangde;

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.