1 KORINT 8:5 - AMÜSÜH HÜM CL Bible (BSI)

⁵ Tümüde thüning tüsho alomi ching thrünpuhbo lalashe– thrünpuhbo tüsho atungrübo ahihdo lah–

1 KORINT 8:5 Iomraidhean Croise

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 2:11

Trükshihnü jurübo thrünpuh yunga lalashe thrünpuhbo müthrikhea shi? Tüshe I mihtsürübonü alü mülakhi dün arü müretahkhi müthriabah.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

DANIEL 5:4

Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.

MATHI 27:17

Jumonü küyimki arü rukhüh mukhungkheanü Pilatnü tha, “Nüsa kilim inü shepü dükheshihnela? Baraba a shi, Khrista de ajikhi Jisu a?”

GALATIA 4:8

Akhuhlim nüsanü Thrünpuh mümükheahchoki, nüsa ju thrünpuhbo yungde püpürü bukkhüp azhorü lakheah;

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.