1 KORINT 7:34 - AMÜSÜH HÜM CL Bible (BSI)

³⁴ tüsho api lümkhi lümtrüp thsülah. Tüsho mürhangkhi liberü yungsho anünürünü, künangde pang tüsho me ching amüsüh laba de Atungpuh rhimo dünkheak mulong sansanchoh; tüshe arhangkhi liberü a künangde aniubuh asühshihbaki de alomi rhimo dünkheak mulong sansanchoh.

1 KORINT 7:34 Iomraidhean Croise

JOHAN 10:13

Amulokhinü alihde tsochoh tümütüsho api ju amulokheah tüsho namfimihnubo thsungkheak sükde mülüm.

ROMRÜ KILIM PAULNÜ ATHRÜTKHI KIHÜM HUHTANYU 6:13

Nü pang shihchambo ju mihbukmuyuk rhimopü neak kilim düjih, tüshe ashe chingnü arhang kamlokhi mihtsürü nangde tüsho nü pang shihchambo thiyurolungki rhimopü Thrünpuh kilim jihang.

1 KORINT 6:20

nüsa ju amo jihbah athulokheah. Jumonü nüsa pang ching Thrünpuh müretahshang.

1 KORINT 7:33

tüshe yamkhün kamkhi mihtsürünü, künangde aniube asühshihbanü de alomi rhimo dünkheak mulong sansanchoh,

1 KORINT 7:35

Inü ha nüsa rhüka lapü yungde nüsa tsüpü thachoh, junangde nüsanü Thrünpuh kilim shuhmülanga jihkhi ching müchammüzütde alungki limro ching labah.

2 KORINT 11:28

Püpürübo lung khiode, inü borübo alala thsungkheak lümrhihkhinü mulong kimikhi nimung aban dünji.

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

1 TIMOTHI 3:5

tümüde mihtsürü khülangnü nihbuh yambuk mükümkhuksho apinü küde thsah Thrünpuh borü kümkhukba?

1 TIMOTHI 5:5

Alibe shepü atsütsü khimoberü la, tüsho langzü lanü, anihbenü Thrünpuh kheak mulonglam zoshang tüsho azhing ayin mutukzhakde mushude tamkhüntamnüshang;

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.