1 KORINT 7:22 - AMÜSÜH HÜM CL Bible (BSI)

²² Tümüde shepü azhorü thsüde Atungpuhnü ajikheanü Atungpuh zuzu mihtsürü ah. Junangde ajichoki shepü zuzu lakheanü Khrista yo azhorü ah.

1 KORINT 7:22 Iomraidhean Croise

MUNGSHIKHÜN 116:16

O Atungpuh , tsükjide I nü yamlarü ah; I a nü yamlarü tsührü nü yamlarü ah; nünü I rhükkhibo trünjih.

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

1 KORINT 7:21

Ajichoki nü azhorü lakhea de? Masühde düla. Tüshe nü zuzu ngükhuka lasho, jude laang.

1 KORINT 9:19

Tümütüsho mihtsürü alala kheaknü I zuzu lalashe, alü bedarüpü thsüde I küdah thsüde alala azhorü kam.

1 KORINT 9:21

Yakzan mülarübo ki arü bedarüpü thsüde, Thrünpuh kilim yakzan mülakhi yung tüshe Khrista yakzan bukkhüp I ju yakzan mülarü khülang kam.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

GALATIA 5:1

Zuzu thsungkheaknü Khristanü isa zuzu kamshih; jumonü düküngde zhipang, tüsho azhorü sangshuh ching düshuhlo.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

PHILEMON 1:16

kheaküa azhorü yung tüshe azhorü kheaknü alübe, adungto thsüde I ki amuzhokhi keoniorü lah tüshe shih tüsho Atungpuh lung nü ki küdükhüh laba.

1 PETER 2:16

Zuzu mihtsürü nangde laang, tüshe nüsa zuzu ju amütsü thsungkheak ahoripü yung; Thrünpuh yamlarü nangde laang.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim: