1 KORINT 7:2 - AMÜSÜH HÜM CL Bible (BSI)

² Tüshe müzammüram rükaki lakhi hode athrürü abannü nihbuh niuberü tüsho aliberü abannü nihbe niubuhrü labeah.

1 KORINT 7:2 Iomraidhean Croise

MÜCHITMUDU 18:22

Shepü niuberü ngüchonü atsü ngüchoh, tüsho Atungpuh kilimnü amuzho ngüchoh.

MÜCHITMUDU 19:14

Thüyambo tüsho lakhitbo buhrübo kilimnü yamrüplurüp lah, tüshe lümlung lakhi yamkhünberü ju Atungpuh kilimnü ah.

MALAKI 2:14

Nüsanü keokhichoh, “Tümü thsükhi apinü muhdücho?” Tümütüsho Atungpuhnü le nü athunuchoki yamkhünbe dükeak thiyumütsan rhimochoh, tümütüsho anihbe ju nü atrurü, nü rhang lakhi tangzüng yamkhünbe thsüthsü she nünü alibe kheak nünü alokhikhi thsümünimdo.

MATHI 5:32

Tüshe inü nüsa ki thapü ju khürünü yamkhün ching thiyuro mülakhi kheak hode nihbuh niuberü bahsho alibe ju müzammüramrü kamshihchoh, tüsho shepünü abahkhi liberü lubanü müzammüram yihbeakchoh.

1 KORINT 6:18

Müzammüram mükihkhiang. Mihtsürünü ayihbeakkhi neak püpü a pang aleanglim ah; tüshe müzammüram mihtsürünü nihbuh pang azhihde neak thsüchoh.

1 KORINT 7:1

Kheakü nüsanü athrütkhi dünkheak. Athrürü khülangnü yamkhün müthsükhi ju atsü ah.

1 KORINT 7:3

Niubuhrünü niuberü alim yihnüpü lakhi rhimobeah, tüsho niuberünü niubuhrü ki junangde athsübeah.

1 KORINT 7:9

Tüshe arünü nihbuh küdah thsüde müdankhuksho, arünü yamkhün thsübeah. Tümüde mulong phurude alapü dün a yamkhün thsükhi atsübe ah.

EFISIA 5:28

Junangde niubuhrübonü nihbuh pang nangde arü niuberübo muzhobeah. Shepünü niuberü muzhochonü nihbuh muzhochoh.

EFISIA 5:33

tüshe nüsa mihbüm abannü nihbuh nangde niuberü muzhobeah, tüsho niuberünü nihbe niubuhrü muzhobeah.

1 TESALONIKA 4:4

nüsa mihbüm abannü amüsüh tüsho wüntre ching nihbuh niuberü lung lapü mükheahbeah,

1 TIMOTHI 4:3

Arünü mihtsürübo yamkhün thsüpü zhipdochoh tüsho akinrü le thiyuro mükheahrünü makshe jihde aleangkhishihpü Thrünpuhnü athrünjihkhi tsühyungbe khürü mütsühpü thiyukhüm jihchoh.

MAHKHAPRÜ 21:22

Küyimki arü bebuhrü yungsho arü khiungmungrü arübah atsangbanü isanü arü ki thabah, ‘Isa dünlimnü arü ki muzhoang, tümütüsho thirithsü ching isanü arü khilim niuberü mulujih; tüsho nüsa amülim müla, tümütüsho nüsanü arü kilim nüsa tsührübo müjih.’”