1 KORINT 7:17 - AMÜSÜH HÜM CL Bible (BSI)

¹⁷ Mihbüm abannü Atungpuhnü api kilim thsambah jihkhi tüsho Thrünpuhnü api jichoki nangde alabah. Ha borü alala ching I yuzüng lah.

1 KORINT 7:17 Iomraidhean Croise

MATHI 19:12

Tümütüsho khürü a berü buk chingnü dukha zübechoh, tüsho khürü a mihtsürünü athsakhamkhi lah, tüsho khürü a yinmi kiulongthsü dünkheaknü nihbuh küdah thsüde athsakhamkhi lah. Shepünü ha leangkhipü kuklanü leangkhiang.”

1 KORINT 10:32

Jihudarü, Greekrü yungsho Thrünpuh borü sheshe jing dümükheshih–

1 KORINT 11:16

Tüshe khürünü ha dünkheak atsangachihpü mulongsho, isa yungsho Thrünpuh borübo thsüthsü kingaünkhi ching ahoribe püpü müla.

1 KORINT 11:34

Khürü khüma lasho, api thüyam ching yimtsühshang, jude yungsho nüsa rukhüh mukhungkhi ju abahyukkhi kambah. Tüsho küyimki I arübanü khuhlangahuhkhi püpü jihbah.

1 KORINT 14:33

Tümütüsho Thrünpuh ju neamneamruru yo yung tüshe mungtsü Thrünpuh ah. Amüsührü borübo alala ching,

1 KORINT 16:1

Kheakü akinrü rungpü threzüthredo thsungkheak ju, inü Galatia borübo ki thakhi nangde rhimoang.

1 KORINT 4:17

Jumonü inü nüsa kilim Atungpuh ki thiyuro lakhi, inü muzhokhi I tsührü Timothi nüsa kilim thiyichoh. Alala ching borü aban inü thsangyukhi ayede, Jisu Khrista ching I limro apinü nüsa ki lümkhitloshihbah,

1 KORINT 7:18

Khürü api jikhi kim ching tsütabah-a lakhea de? Apinü tsütabahkhi areak yihkhita bahpü dümürang. Khürü api jikhi kim ching tsütamübah-a lakhea de? Apinü tsütabahpü dümürang.

1 KORINT 7:24

Jumonü keoniorübo, mihbüm aban künangde alachoki jikhea, api Thrünpuh lung lashang.

1 KORINT 7:7

Alala I ruk lakhülaa de inü lümchoh, tüshe mihbüm aban Thrünpuh kilimnü thsambah büthsüthsü, khülang kilim khülang tüsho püpü kilim püpü de lah.

2 KORINT 11:28

Püpürübo lung khiode, inü borübo alala thsungkheak lümrhihkhinü mulong kimikhi nimung aban dünji.

2 KORINT 8:18

Isanü api lung thiyusheak-atsü thsangyuthsangrakhi ching borübo alalanü athukhi keoniorü thiyichoh;

GALATIA 1:22

Tüsho Judea ching Khrista borübonü I mümükheahyide alakheah;

1 TESALONIKA 2:14

Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo,

2 TESALONIKA 1:4

Jumonü nüsanü arümde alakhi thsümüchibo tüsho küpkhukbo alala ching nüsa akin düküngkhi thsungkheak isanü Thrünpuh borübo ching nüsa dünkheaknü kükheangchoh.