1 KORINT 7:10 - AMÜSÜH HÜM CL Bible (BSI)

¹⁰ Yamkhün kamrü, niuberünü niubuhrü kheaknü müchambeah de inü yungde Atungpuh yukhüm jihchoh.

1 KORINT 7:10 Iomraidhean Croise

JEREMIA 3:20

Tüshe akin mülakhi niuberünü ayamkhünbuh bahbah atsokhi nangde, nünü I ki akin mülade lado, O Israel yamkhün, Atungpuhnü thachoh.

MATHI 5:32

Tüshe inü nüsa ki thapü ju khürünü yamkhün ching thiyuro mülakhi kheak hode nihbuh niuberü bahsho alibe ju müzammüramrü kamshihchoh, tüsho shepünü abahkhi liberü lubanü müzammüram yihbeakchoh.

MARK 10:2

Pharisirübo arü tüsho api rükakide keo, “Mihtsürü khülangnü nihbuh niuberü bahpü yakzan la de?”

LUKNÜ ATHRÜTKHI THIYUSHEAK-ATSÜ HUHTANYU 16:18

“Shepünü niuberü bahbah püpürü luchonü müzammüram yihbeakchoh; tüsho shepünü anihbuhnü abahkhi lubanü müzammüram yihbeakchoh.

1 KORINT 7:11

Tüshe anihbenü jude thsüsho, alibe ju mürhangde alabeah yungsho aniubuh ki chingkihbeah. Tüsho niubuhrünü nihbuh niuberü mübahbeah.

1 KORINT 7:12

Püpürü ki Atungpuhnü yungde inü thachoh: Keoniorü khürü amükinrü niuberü lasho tüsho alibenü api lung lapü mulongsho, apinü anihbe mübahbeah.

1 KORINT 7:15

Tüshe amükinrü yamkhünrünü chamachihpü künsho, jude thsüshang; hadürü ching niubuhrü yungsho niuberü rhüka müla. Tümüde Thrünpuhnü nüsa mungtsü ching lapü jikheah.

1 KORINT 7:25

Kheakü yamkhün mükamrü dünkheak Atungpuh yukhüm müla, tüshe Atungpuh mihmüthsüm mulonglam hode I lümkhi jihchoh.

1 KORINT 7:40

Tüshe alibe ju ruk lang alakhipü anihbe asühbe labah de inü lümchoh. Tüsho I a Thrünpuh Me lah de inü lümchoh.

1 KORINT 7:6

Inü ha thiyukhümnü yungde alungki lakhi limronü thachoh.