1 KORINT 6:2 - AMÜSÜH HÜM CL Bible (BSI)

² Amüsührübonü alomi thiyukhapbah de nüsanü mümükheah de? Tüsho nüsanü alomi thiyukhappü lasho, nüsanü mübanmukhiungbo dünkheak mükhapkhukba de?

1 KORINT 6:2 Iomraidhean Croise

MUNGSHIKHÜN 49:14

Namfimihnu nangde ashepü arü akhua lah; ashekhinü arü aheangbah; alungkirünü arü kheak yapsu yakzan shuhbah; arü pangbo ju arü lapung chingnü limshude alakhi kiuyuk ching shuh-a bahbah.

DANIEL 7:18

Tüshe Khide Achangbuh yo amüsührübonü kiulongthsü leangkhibah tüsho lünnü lün kiulongthsü labah.”

DANIEL 7:22

lün labuh arükhi khiungde; jushu Khide Achangbuh yo amüsührübo thsungkheak mahkhapkhi jih, tüsho amüsührübonü kiulongthsü ngüa lupü kim khiung.

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

LUKNÜ ATHRÜTKHI THIYUSHEAK-ATSÜ HUHTANYU 22:30

junangde nüsanü I kiulongthsü ching I dükhüm kheak tsühyungbah, tüsho Israel trük thürükheak mahne mahkhapde kiulongthsü-binkiubo kheak binbah.”

ROMRÜ KILIM PAULNÜ ATHRÜTKHI KIHÜM HUHTANYU 6:16

Nünü ashe lim bekhi neak yungsho thiyuro-lungki lim bekhi mihyuanikhi, küpü ki mihyuanibanü ju azhorü kamchoh de mümükheah de?

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 1:21

Tümütüsho Thrünpuh lümlung ching, alominü arü lümlung hode Thrünpuh mümükheah, tüshe akinrü khümkhitpü isanü thsangyuthsangrakhi makha yu hode Thrünpuh asühshih.

1 KORINT 6:4

Nüsa hadürü neamneamruru lasho, tümü thsükhi nüsanü jurü borünü wüntre mülakhi miki zojihcho?

2 KORINT 4:18

Tümütüsho isanü ngüde alakhi kukruk yung, tüshe amüngükhi kukrukbo kheak kheahchoh; tümüde ngüde alakhibo anükhühkheak labah, tüshe tümü müngünü lünnü alabah.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.