1 KORINT 6:18 - AMÜSÜH HÜM CL Bible (BSI)

¹⁸ Müzammüram mükihkhiang. Mihtsürünü ayihbeakkhi neak püpü a pang aleanglim ah; tüshe müzammüram mihtsürünü nihbuh pang azhihde neak thsüchoh.

1 KORINT 6:18 Iomraidhean Croise

LEVI 15:18

Küyimki athrürünü aliberü kheak nungbah ke akhiukbanü, ane chido kemüyihbeah, tüsho ane arelim khiungde mümüsühkhi labah.

ROMRÜ KILIM PAULNÜ ATHRÜTKHI KIHÜM HUHTANYU 1:24

Jumonü Thrünpuhnü mümüsühkhi arü mulongnü akünkhi lim, arü bolung arü pang wüntre müjihkhi lim arübo jihabah,

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

GALATIA 5:19

Kheakü shih rhimo mütsande lah: müzammüram, mümüsühkhi, yüliyürakhi,

EFISIA 5:3

Tüshe nüsa bolung müzammüram tüsho mümüsühkhi alala yungsho yihnelune athashe müthabeah, tümütüsho amüsührü bolung ju maye.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

1 TESALONIKA 4:3

Nüsa tsangkhitpü ju Thrünpuh lümkhi lah: junangde nüsanü müzammüram bahkhibeah;

1 TESALONIKA 4:5

Thrünpuh mümükheahrü amükinrü nangde shihkünkhi ching yung;

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.