1 KORINT 5:8 - AMÜSÜH HÜM CL Bible (BSI)

⁸ Jumonü isanü lungchihkhi tüsho amütsü awün phaümnü yung tüshe atsangkhitkhi tüsho thiyuro phaüm muyukkhi yikhap bede thünio leangkhianü.

1 KORINT 5:8 Iomraidhean Croise

MUNGSHIKHÜN 32:2

Mihtsürü shepü neak Atungpuhnü api azhihde mükhecho, tüsho shepü me ching mülapmüji mülanü müngühmühi.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

ABEKHIT 12:15

“Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 12:19

Nimung thüne nüsa yambo ching phaüm müngüshih, tümütüsho shepünü phaüm yukkhi tsühbanü, khiungkerü yungsho ha lo ching asürükhi thsüthsü ju mihtsürü Israel amukhungrü bolungnü khekhita bahbah.

ABEKHIT 12:8

Ju re arünü ashihtsü tsühbah; mo chingnü angukhi, phaüm muyukkhi tüsho akhüh sangyü bede arünü ju tsühbah.

ABEKHIT 13:6

Nimung thüne nüsanü phaüm muyukkhi yikhap tsühbah, tüsho athüne nipü Atungpuh kilim thünio labah.

ABEKHIT 13:7

Phaüm Muyukkhi yikhap ju nimung thüne tsühbah. Tüsho nüsa lomi alala ching phaüm yukkhi yikhap yungsho phaüm müngüshihbeah.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

LEVI 23:6

Tüsho ju khinu nimung thürükheak phüngü nipü ju phaüm muyukkhi Atungpuh thünio labah; nüsanü nimung thüne phaüm muyukkhi yikhap tsühbah.

MATHI 16:12

Judüki yikhap ching yukbe phaüm atünadopü yungde Pharisirü tüsho Sadukirünü thsangyukhi azhihde apinü arü ki thachoh de arünü anikhit.

MATHI 16:6

Judüki Jisunü arü ki tha, “Pharisirü tüsho Sadukirü phaüm dünkheak atünadoang.”

MARK 8:15

Judüki apinü arü neangneangde tha, “Aniang, Pharisirü tüsho Herod phaüm dünkheak kümkangang.”

LUKNÜ ATHRÜTKHI THIYUSHEAK-ATSÜ HUHTANYU 12:1

Ju kim ching, küyimki mükhebinkhi boto mihtsürü khülangnü khülang jungachihde amukhungkhea, apinü akhuhde api jingyanrübo ki thapü tankih, “Yiuhkhaprü Pharisirü phaüm dünkheak kümkangang.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

1 KORINT 5:6

Nüsa kükheangkhi ju atsü yung. Phaüm anikhühnü yikhap abümnü lamshihchoh de nüsanü mümükheah de?

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 8:8

Ha inü thiyukhümnü mütha, tüshe püpürü künsahkhi akede nüsa adüngakhi rükakheahchoh.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

YUZÜNGTHALO 16:16

“Kam chingnü mahsam ki nüsa athrürü alala apinü amokhitkhi dangpung ching Atungpuh nüsa Thrünpuh miki mukhungbeah: Phaüm muyukkhi yikhap thünio ching, yimlukhi thünio ching tüsho arüngkhimyam thünio ching; tüsho arünü khahkeangnü Atungpuh miki marübeah.

YUZÜNGTHALO 16:3

Nüsanü ju phaüm yukkhi yikhap lung dütsüh; nimung thüne nüsanü ju lung phaüm muyukkhi yikhap tsühbah, ju thsünükhi yikhap (tümüde nüsa Ijip chingnü niokheamde akhiuk), junangde nüsanü nüsa Ijip chingnü akhiukkhi rhangdung amuyung lümkhitbah.

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

1 PETER 4:2

junangde kheaküa aningkhi api alomi rhangdung ju mihtsürünü akünkhinü yung tüshe Thrünpuh lümkhinü lachoh.